Saryaǵash APB-nyń kezekshi bólimine «102» nómiri arqyly jergilikti turǵyn habarlasqan. Onda zańsyz býkmerkerlik keńseniń jumys jasap jatqany jaıly kórsetken. Atalǵan jaıtty polısııa qyzmetkerleri QR QK-niń 307-baby (Zańsyz oıyn bıznesin uıymdastyrý) boıynsha tirkedi.
Habar alysymen polısııa qyzmetkerleri oqıǵa ornyna jedel túrde shyqty. Ol jerdi jiti baqylap, zańǵa qaıshy keletin zattar bolýy múmkin ekeni eskerildi. Sondaı-aq oıynhanadan alty dana prosessor, bir dana chek shyǵaratyn kassalyq apparat aıǵaqty zat retinde tárkilenip alynyp, saraptama taǵaıyndaldy. Qazirgi tańda osy is boıynsha sotqa deıingi tergeý amaldary júrgizilýde.
Sonymen qatar saryaǵashtyq polıseıler oıynhana ıesine QR ÁQBtK-niń 425-babymen (Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptarynyń, sondaı-aq gıgıenalyq normatıvterdiń buzylýy) boıynsha is-qujattar jınaqtalyp, zańdy shara kórilýi úshin SEBB-ge joldandy.
О́z kezeginde Túrkistan oblysy polıseıleri turǵyndarǵa jáne kásipkerlerge karantın talaptaryn, ıaǵnı betperdelik rejım men araqashyqtyqty saqtaýdy, ásirese zańsyz oıynhanalar ashyp, jastardyń sanasyn ýlaýǵa jol bermeýdi eskertedi.
