Taǵaıyndaý • 09 Aqpan, 2021

Pavlodar oblysynyń Tereńkól aýdanyna jańa ákim taǵaıyndaldy

57 ret kórsetildi

Jańa ákim buǵan deıin oblystyq máslıhattyń depýtaty bolǵan jáne onyń hatshysy bolyp saılanǵan Ernur Aıtkenovtiń ornyna keldi, dep habarlaıdy Egemen.kz.

 

Oblys ákimi baspasóz qyzmetiniń málimetinshe, Tereńkól aýdanynyń ákimi laýazymyna Serik Batyrǵojınovtyń kandıdatýrasy jergilikti máslıhat depýtattarymen kelisilgen.

Odan soń óńir basshysy Ábilqaıyr Sqaqov aýdan aktıvine jańa basshyny tanystyrdy.

Serik Batyrǵojınov 1964 jyly Ertis aýdanynda dúnıege kelgen.

1990 jyly Selınograd aýyl sharýashylyǵy ınstıtýtyn «agronomııa» mamandyǵy boıynsha, 2004 jyly Qazaq gýmanıtarlyq-zań ýnıversıtetin «quqyqtaný» mamandyǵy boıynsha támamdaǵan.

Eńbek jolyn 1985 jyly Ertis aýdany «Golýbovskıı» keńsharynda jumysshy bolyp bastady. Joǵary bilim alyp, 1990 jyly keńshardyń bas agronomy boldy.

1993 jyldan 1999 jylǵa deıin pavlodarlyq «Sebat» JShS dırektory bolyp jumys istedi, «Belovodskoe AQP» AQ-ny, «Isa Baızaqov atyndaǵy» JShS-ny jáne Ertis aýdanynyń «Altynshy aýyl» AT JShS-ny basqardy.

1999 jyly memlekettik qyzmetke aýysyp, Kachır aýdany ákiminiń orynbasary qyzmetin atqardy.

2000 jyldan 2003 jyldyń jeltoqsanyna deıin Kachır aýdanyn basqardy.

2004 jylǵy qańtardan 2011 jylǵa deıin Ertis aýdany «Amankól» ShQ basshysynyń keńesshisi qyzmetin atqardy.

2011-2013 jyldary – Ertis aýdanyndaǵy «Nurbı» JShS dırektory.

2013 jyldyń qyrkúıek aıynda memlekettik qyzmetke oralyp, Ertis aýdany ákiminiń orynbasary boldy.

2014-2016 jyldary – Aqtoǵaı aýdanynyń ákimi, 2016-2019 jyldary – Ertis aýdanynyń ákimi.

2020 jyly Serik Batyrǵojınov Pavlodar oblysynyń aýyl sharýashylyǵy basqarmasyna basshy bolyp taǵaıyndalyp, onda jańa taǵaıyndaýǵa deıin jumys istedi.

 

Sońǵy jańalyqtar

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar