Sonymen qatar, qala belsendilerine QR Densaýlyq saqtaý mınıstri Alekseı Soı atynan pandemııamen kúrestegi qajyrly eńbegi, muqtaj jandarǵa qamqorlyq jasaýǵa jáne dárigerlerge qoldaý kórsetýge belsendi qatysqany úshin alǵys hattar tabys etildi.
"Qalanyń barlyq turǵyndary, búkil el jáne álem halyqtary sııaqty, qıyn kezeńderdi bastan ótkerýde. Tek birlik pen almatylyq yntymaqtastyqtyń arqasynda biz qıyndyqtardy birge eńseremiz. Bul kúnderi qala turǵyndary bir - birine ózara kómek pen qoldaýdyń jarqyn úlgisin kórsetti", - dep atap ótti Erjan Babaqumarov qalanyń pandemııamen kúresine qosqan úlesi, kórsetken janashyrlyǵy, jaýapkershiligi, batyldyǵy men meıirimdiligi úshin alǵysyn bildirdi.
"Halyq Alǵysy" medalimen belsendiler M.Izmakova - №1 balalar úıiniń balalaryna, G. Baqbergenova - az qamtylǵan jáne kóp balaly otbasylarǵa áleýmettik kómek kórsetkeni úshin marapattaldy. "Daryn" memlekettik jastar syılyǵyna B.Kenishqalıev pen A. Ábishev ıe boldy. Qala ákiminiń atynan alǵys hattar qoǵam qaıratkerleri A. Áljanova men I. Vıgovskaıaǵa, Qyzyl Aı eriktileri A. Jýrsınalıevaǵa, Qazaqstan Eriktiler lıgasy - B. Anarbaevaǵa, "Klýb dobrıakov Almaty " jetekshisi - M. Myrzahmetovaǵa, "Darım radost" qorynyń jetekshisi - K. Ýdarseva, "Lider.kz" QQ múshesi R. Tohtabakıeva, sondaı-aq belsendiler A. Muhamedjanov, B. Qusaıynov, R. Sarmýrzakov jáne t. b. qatysty.
Jalpy, pandemııa kezinde halyqqa túrli kómek kórsetken qoǵamdyq uıymdardyń 30-dan astam ókiliniń eńbegi atap ótildi.
О́z kezeginde eriktiler pandemııa kezindegi qyzmeti týraly alǵystaryn bildirip, óz áńgimelerimen bólisti. Mysaly, azamattyq belsendi, "AgjP ǴO" AQ táýelsiz dırektory Aıda Aljanova jáne TRIZ-fasılıtator, halyqaralyq akkredıtasııasy bar medıator, BÁJK Baqylaý keńesiniń múshesi Irına Vıgovskaıa ákimdik pen medısınalyq qoǵamdastyqtyń birlesken qyzmeti, atap aıtqanda, vırtýaldy Qoǵamdyq medısınalyq keńesti qurý jáne onyń jumysy tájirıbesimen bólisti.
"Biz marapattar úshin jumys istemeımiz. Biraq bizdiń jumysymyzdy kórip, baǵalaǵany árqashan jaǵymdy. Degenmen, adamdar bizdiń jumys isteıtinimizdi baıqaıdy jáne qoǵam kóredi. Bul-eń bastysy", - dedi qoǵamdyq birlestiktiń eriktisi "Lider.kz" Ranogýl Tohtabakıeva óziniń eńbeginiń baǵalanǵany alǵysyn bildirdi. Pandemııa kezinde osy uıymnyń eriktileri Almaty qalasy men oblystaǵy qart adamdarǵa azyq-túlik, dári-dármek taratýǵa kómektesti.
Qazaqstannyń Qyzyl Jarty Aı qoǵamynyń ókili Lázzat Ibragımova pandemııa kezinde 16 myńnan astam otbasy birinshi kezekte jalǵyz basty zeınetkerlerge, kóp balaly jáne az qamtylǵan otbasylarǵa azyq - túlik jıyntyqtarymen qamtamasyz etilgenin habarlady. Sondaı-aq, uıym COVID-19 taralýyn boldyrmaý úshin sanıtarlyq-epıdemıologııalyq talaptardy saqtaýdyń mańyzdylyǵy týraly aqparattyq-túsindirý jumystaryn belsendi júrgizedi.
"Búgingi marapattaý óte jaqsy ótti. Karantındik sharalarǵa qaramastan, bári jaqsy deńgeıde ótti. "Daryn "syılyǵyna keletin bolsaq, laýreattar shynymen de laıyqty dep sanaımyn", - dep bólisti Beksultan Kenishqalıev.
Aıta ketý kerek, is-shara sanıtarlyq normalardy, sonyń ishinde áleýmettik qashyqtyq pen maska rejımin qatań saqtaýda ótti.
