Sońǵy málimetterge sáıkes, Almatyda koronavırýs ınfeksııasynyń 23 016 jaǵdaıy tirkelse, onyń 14 634-i sımptomdy jáne 8 382-si sımptomsyz. Tek 8 aqpan kúni 118 almatylyqtyń jańadan indet juqtyrǵany anyqtaldy. 9 aqpanǵa deıin 21 241 adam emdelip shyqty. 7 aqpanda koronavırýs ınfeksııasynyń 114 jaǵdaıy tirkelgen bolatyn.
«Qańtar aıynda KVI-diń 3 607 jaǵdaıy tirkeldi, aqpannyń jeti kúninde 770 adamnyń jańadan indet juqtyrǵany rastaldy. KVI ekinshi tolqynynyń damý dınamıkasy 28 qańtarda bastalǵan quldyraýmen jumsaq órlemeli syzyq boıynsha júredi. Bul Almaty qalasynyń epıdemııalyq jaǵdaıdy baǵalaý matrısasynda qyzyl aımaqtan (4 kún boldy – 25-29 qańtar aralyǵynda) sary (1 kún boldy – 30 qańtar) jáne jasyl aımaqqa (31 qańtardan bastap qazirgi ýaqytqa deıin) aýysýyna ákeldi», deıdi Almaty qalasy sanıtarlyq-epıdemıologııalyq baqylaý departamenti basshysynyń orynbasary Ásel Qalyqova.
Epıdemıologtyń aıtýynsha, 28 qańtardan bastap Almaty qalasynda KVI aýrýynyń kúndelikti 130 jaǵdaıdan 122 jaǵdaıǵa deıin, 29-31 qańtar aralyǵynda kúnine 90 – 116, 1-7 aqpan aralyǵynda 110 – 114 jaǵdaıǵa deıin tómendeýi tirkelgen.
«Almaty qalasyndaǵy koronavırýs ınfeksııasymen aýrýdyń epıdemııalyq boljamy aqpan aıynda joramaldanǵan joǵary kórsetkishterge saı kelip otyr. Epıdemııanyń ekinshi tolqynynyń joǵary kórsetkishi 26-27 qańtarda oryn aldy. Bul kúnderi kúnine 138-139 jaǵdaı tirkelgen edi», dep túsindirdi Á.Qalyqova.
Bul rette qańtar aıynyń 4 aptasymen salystyrǵanda epıdemııalyq tergeýlermen qoǵamdyq oryndarda juqtyrýdyń 5,1%-ǵa (38,6 %-dan 43,7%-ǵa deıin – aýa raıynyń jylynýyna baılanysty kelýshilerdiń belsendiligi) otbasylarda 2%-ǵa (28%-dan 30%-ǵa deıin) ulǵaıǵany anyqtaldy. Otbasylyq is-sharalarda (qudalyqtar, keshter jáne basqalar) ınfeksııa juqtyrýdyń kóbeıýi baıqalady – aptasyna 16 jaǵdaı (2,2%). Bul halyq arasynda qyraǵylyq pen saqtyq sharalarynyń tómendegenin kórsetedi. Qoǵamdyq kólikte juqtyrý deńgeıi 20-22% aralyǵynda ózgerissiz qaldy.
Epıdemıolog sanıtarlyq normalardy saqtaýdyń, ıaǵnı betperde kııýdiń, 1,5-2 metr qashyqtyqty saqtaýdyń mańyzdylyǵyn taǵy da atap ótti. Sondaı-aq múmkindiginshe adam kóp jınalatyn jerlerge, ásirese qart adamdarǵa, sozylmaly aýrýlardan zardap shegetinderge jáne t.b. barýdan bas tartýǵa shaqyrdy.
Qańtar aıymen salystyrǵanda jas erekshelikterine qaraı aýrý deńgeıi 20-39 jas aralyǵyndaǵylarda 3%-ǵa nasharlady. Bıylǵy aqpannyń 1 aptasyndaǵy jas quramy jáne juqtyrý oryndaryna toqtalsaq, 39,2% – 20-39 jas – 257 jaǵdaı; 25% – 40-59 jas – 164 jaǵdaı; 20,9% – 60 jas jáne odan joǵary – 137 jaǵdaı.
Aqpannyń alǵashqy jeti kúninde indettiń 43,7%-y – qoǵamdyq oryndardan, 29,9%-y – otbasynda, 20,1%-y qalalyq kólikterden taraǵan.
Aıta ketý kerek, pandemııa bastalǵannan beri Almatyda shamamen 917 myń PTR zertteý júrgizildi. Búginde qalada táýliktik qýattylyǵy 14,5 myń zertteý bolatyn 24 PTR zerthana jumys isteıdi. Perspektıvalyq qýaty – 23 300 zertteý. Bul rette «Ulttyq saraptama ortalyǵy» fılıalyndaǵy PTR testiniń quny jeke tulǵalar úshin de, zańdy tulǵalar úshin de 8 025 teńgege deıin tómendetildi.
Sondaı-aq shetelderden COVID-19 ákelinýiniń aldyn alý sharalary jalǵasyp jatyr. 2020 jylǵy 6 qazannan bastap bıylǵy 7 aqpanǵa deıin koronavırýs ınfeksııasynyń 89 jaǵdaıy anyqtaldy (Túrkııa – 32, BAÁ – 25, Mysyr – 23, Belarýs – 5, Maldıv araldary – 2, Seýl – 1, Ýkraına – 1).
Búgingi tańda Almaty stasıonarlarynyń jalpy qýattylyǵy 7 011 tósektik oryndy quraıdy.
Osy arada seısenbi, 9 aqpan kúni Almatynyń medısınalyq qyzmetkerlerin vaksınalaý úshin SQ-Farmasııa 1 750 dozany jetkizgenin aıta ketý kerek. Birinshi kezekte, vaksınalaý ınfeksııalyq stasıonarlardyń, kópsalaly stasıonarlardyń qabyldaý, reanımasııa bólimderiniń qyzmetkerlerine, alǵashqy medısınalyq-sanıtarlyq kómek kórsetetin jedel medısınalyq kómek, sonymen qatar sanıtarlyq-epıdemııalyq qyzmettiń qyzmetkerlerine júrgiziledi. Medısına qyzmetkerlerine birinshi kezeń úshin 1 750 doza vaksına alyndy, sáıkesinshe, ekinshi kezeń úshin 1 750 dozanyń jetkizilýi kútilýde. Vaksına 2 kezeń boıynsha júrgiziledi, basynda 0,5 ml dozada birinshi komponent, keıin 21 kúnnen keıin 2 komponentpen taǵy da 0,5 ml engiziledi. Osylaısha, vaksınanyń birinshi dozasy ımmýndyq jaýapty iske qossa, ekinshisi ony kúsheıtedi. 8 aqpanda birinshi komponent vaksınasymen 1 315 medısına qyzmetkeri qamtyldy. 59 jaǵdaıda vaksınalaý keıinge qaldyryldy jáne 2 adam odan bas tartty. Bıylǵy 21 aqpanda qyzmetkerlerdi ekinshi komponentpen vaksınalaý jalǵasady.
ALMATY
