«Latyn qarpine aýysý jaǵdaıy eskerildi. Bul másele boıynsha halyqaralyq uıymmen kelissózder júrgizildi. Qaz jáne QZ domendik attary elimizde tirkelgen. Al latyn qarpine tolyq aýysqan jaǵdaıda, barlyq resmı prosedýralardy ýákiletti organ QR Saýda jáne ıntegrasııa mınıstrligi júrgizetin bolady», - dedi spıker.
Sonymen qatar, Aıdana Altaeva domendik ataýlardy aýystyrý kezinde bıýdjetten qarjy bólinbeıtinin atap ótti. Qazirgi tańda Qazaqstanda 12 aqparattyq qaýipsizdiktiń jedel ortalyqtary iske qosyldy. Sondaı-aq aqysyz negizde otandyq ınternet-resýrstardy qorǵaý jáne aqparattyq qaýipsizdikti qamtamasyz etetin qazaqstandyq kıberqalqan júıeleri jumys isteýde.
