Jýyrda onyń kezekti ret dúkennen usaq taýar urlap turǵany beınekameraǵa túsip, ony dúken ıesi áleýmettik jelilerge shyǵarǵan.
Dúkenniń qojaıyny óziniń polısııaǵa shaǵym jasaýǵa qoly tımeıtinin aıtyp, tek urlyq prosesin jelige salyp qoıǵan. Ury jazalanbasa qoly bireýdiń zatyn alýdan qalmaıtyny belgili. Jeli qoldanýshylary osyny aıtyp shýlap jatqan soń polısııa dúken ıesinen aryz jazdyryp alǵan. Sóıtip, suǵanaqtyń isin QK «Usaq urlyq» baby boıynsha sotqa deıingi tergeýge ilektirgen. Eger ol bul joly da jazalanbaı «ekijaqtyń kelisýi boldy» degen sebeppen jazadan bosatylsa ol óziniń isin jalǵastyra bereri sózsiz. Kelisim urynyń odan ári taırańdaı berýine múmkinshilik týdyryp otyr. Suǵanaqty eregestirmeýdi oılaǵan dúken ıeleri usaq urlyqqa qol siltep, «kelisimge» kele salady. Saıyp kelgende bul qoǵam tártibiniń buzyla berýine soqtyrady. Al polısııa kelisimge kelgen jábirlenýshini jazǵyrady. Odan da urynyń bárin erkinsitip, dániktirip qoıǵan zańnyń osaldyǵyn aıtsashy...
