«Qalamyzdyń kórkeıýine árbir turǵynnyń qosqan úlesi zor. Qashanda yntymaǵy jarasqan eldiń kópten kóshi ozyp, bolashaqqa basqan qadamy nyq bolady» dep bastaǵan qala basshysy byltyrǵy jyl bederindegi jetistikterge toqtaldy.
Jyl basynda qala bıýdjeti 69 mlrd teńge bolyp bekitilip, jyl sońynda 94 mlrd teńgege jetti. О́nerkásip ónimderiniń óndiris kólemi 480 mlrd teńgege jetip, negizgi kapıtalǵa salynǵan ınvestısııa kólemi artyǵymen oryndaldy. Oblysqa salynǵan ınvestısııanyń 52 paıyzy Qyzylorda qalasynyń úlesine tıip tur.
Oblysta naqty jumys jasap turǵan kásipkerlik sýbektileri boıynsha Qyzylorda qalasynyń úlesi 48 paıyzǵa jetti.
«Indýstrıalyq - ınnovasııalyq damytýdyń 2020-2025» baǵdarlamasy aıasynda qalada jalpy quny 67 mlrd 600 mln teńgeni quraıtyn 8 joba júzege asyrylýda. Jobalar tolyq iske qosylǵanda 1000-nan astam qyzylordalyq jumyspen qamtylatyn bolady.
«Bıznestiń jol kartasy» negizinde jalpy quny 6 mlrd 500 mln teńge bolatyn 161 joba qarjylandyrylyp, 30 turǵyn 57 mln teńge qaıtarymsyz grant aldy. «Qarapaıym zattar ekonomıkasy» boıynsha quny 968 mln teńgelik 13 joba qarjylandyryldy.
«О́tken jyly qarjylandyrýdyń barlyq kózderi esebinen jalpy aýdany 371 myń 314 sharshy metr turǵyn úı paıdalanýǵa berildi. Jyl kóleminde 1 myń 342 qyzylordalyq baspanaly boldy. Qaladaǵy qurylys jumystarynyń kólemi 58 mlrd teńgege jetti. Aımaqta atqarylǵan qurylys jumystarynyń 55 paıyzy Qyzylorda qalasyna úlesinde» dedi shahar basshysy.
Bilim berý uıymdaryndaǵy oryn tapshylyǵyn sheshý úshin ótken jyly Jappasbaı batyr kóshesiniń boıynan 600 oryndyq bilim ordasy paıdalanýǵa berildi. Jeke ınvestor esebinen salynǵan 500 oryndyq «Zerde» mektebi óz jumysyn bastady. Budan bólek Báıterek shaǵyn aýdanynda «Jol kartasy» aıasynda 600 oryndyq, "Saıahat" móltek aýdanynan jeke ınvestor esebinen 300 oryndyq mekteptiń qurylysy júrgizilýde. SPMK-70 móltek aýdanynan 600 oryndyq jeke mekteptiń qurylysy jaqyn kúnderi bastalady.
Qalanyń ınjenerlik – kommýnıkasııalyq ınfraqurylymyn damytý maqsatynda "Nurly jer" baǵdarlamasy aıasynda barlyq deńgeıdegi bıýdjetterden 19 mlrd 200 mln teńge bólinip, tıisti jumystar óz deńgeıinde oryndaldy. «О́ńirlerdi damytý» baǵdarlamasy aıasynda byltyr 2 mlrd 35 mln teńgege 37 kópqabatty turǵyn úı qaıta jańǵyrtýdan ótken.
Nurlybek Máshbekuly oblys ortalyǵynda jol-kólik ınfraqurylymyn damytýda da jańa jobalar júzege asqanyn atap ótti. Respýblıkalyq jáne jergilikti bıýdjetten bólingen 9 mlrd 112 mln teńgege 408 kóshege aǵymdaǵy, ortasha jáne kúrdeli jóndeý jumystary júrgizildi. Qalada sońǵy jyldary jol qurylysyn damytýǵa 30 mlrd teńgege jýyq qarjy tartylyp, 840 shaqyrym bolatyn 1 myń 177 kóshe jóndeýden ótken.
Jyldy joǵary kórsetkishtermen qorytyndylaýǵa Memleket basshysynyń bastamasymen júzege asqan «Jumyspen qamtýdyń Jol kartasy» oń áserin tıgizdi.
Jol kartasy aıasynda qala bıýdjetine 18 mlrd 356 mln teńge bólinip, 107 joba qarjylandyryldy. Bes júzden astam adam jumyspen qamtyldy.
Qala basshysy kóp sharýanyń bıyl da óz jalǵasyn tabatynyn atap ótti. Qazir «Nurly jer» baǵdarlamasy arqyly respýblıkalyq, oblystyq bıýdjetten 5 mlrd 500 mln teńge bólindi. Bul qarajattar SPMK-70 jáne Syrdarııa ózeniniń sol jaǵalaýynda 1 myń 290 páterli turǵyn úıler qurylysyn júrgizýge, SPMK-70, Shanhaı, Tıtov, ál-Farabı móltek aýdandarynyń ınjenerlik ınfraqurylymyn damytýǵa baǵyttalady.
Az qamtylǵan kópbalaly otbasylarǵa 192 turǵyn úı satyp alýǵa «Nurly jer» baǵdarlamasy arqyly 1 mlrd 600 mln teńge qaraldy. Jumyspen qamtýdyń «Jol kartasy» aıasynda qala bıýdjetine 5 mlrd 500 mln teńge bólindi. Osy baǵdarlama sheńberinde Qyzyljarma aýyldyq okrýginde 900 oryndyq, Báıterek shaǵyn aýdanynda 600 oryndyq mektepter boı kóteredi.
Qalada kógaldaǵy hokkeı alańy, Tasbóget kentinde deneshynyqtyrý–saýyqtyrý keshenderi salynady. Áleýmettik qyzmetter kórsetý ortalyǵy, polısııa bólimshesiniń ákimshilik ǵımaraty qaıta jańǵyrtýdan ótedi.
«Aýyl el besigi» jobasy sheńberinde Qosshyńyraý, Talsýat aýyldyq okrýgteriniń ınjenerlik ınfraqurylymyn damytý jumystary jasalady.
Sonymen qatar jol jóndeý, saıajaılyq aımaqtarǵa aýyz s qubyryn tartý, osyǵan deıin bastalǵan magıstraldik joldardy aıaqtaýǵa da qarjy qaraldy.
Ákim esebinen keıin turǵyndar saýal qoıyp, usynystaryn jetkizdi. Esepti oblys ákimi Gúlshara Ábdiqalyqova qorytyndylap, qala basshysyna birqatar tapsyrma berdi.
