Aımaqtar • 10 Aqpan, 2021

Qyzylordada byltyr memlekettik satyp alýdan 8,9 mıllıard teńge únemdelgen

371 ret

kórsetildi

1 mın

oqý úshin

Qyzylordada ótken jyly 124 mıllıard teńgeniń 2900 memlekettik satyp alý konkýrsy ótkizildi. Nátıjesinde 8,9 mlrd teńge únemdeldi. Bul týraly óńirlik kommýnıkasııalar qyzmetinde ótken brıfıngte oblystyq memlekettik satyp alý basqarmasynyń basshysy Ǵalym Edigeev málimdedi, dep habarlaıdy Egemen.kz.

Murat JETPISBAEV

Qyzylordada byltyr memlekettik satyp alýdan 8,9 mıllıard teńge únemdelgen

Qazir «Memlekettik satyp alýlardy ortalyqtandyrý» qanatqaqty jobasy júzege asýda. Joba aıasynda oblys boıynsha 2733 konkýrs uıymdastyryldy.

«Bul zańnama talaptaryn qoldanýdyń birkelki tájirıbesin qalyptastyryp, salany kásibılendirýge kezekti qadam deýge bolady. Sebebi, saladaǵy buzýshylyqtar úshin ákimshilik jaýapqa tartylǵandar sany ótken jylmen salystyrǵanda 25 paıyzǵa azaıdy. Búginde memlekettik satyp alý zańdylyǵyn jetildirý baǵytynda usynystar engizý tájirıbesine súıenýdemiz. Memlekettik satyp alý ortalyqtandyrylǵan túrde bir jerden ótkizilýde» dedi oblystyq memlekettik satyp alý basqarmasynyń basshysy Ǵalym Edigeev.