Úsh kúnge sozylǵan is-shara barysynda oblys polıseıleri saıajaı úılerin, garajdardy, qoryqtar men shalǵaıdaǵy sharýa qojalyqtaryna reıd júrgizdi. Sondaı-aq, tıisti oryndarǵa jeke qarýyn tirketken azamattardyń mekenjaıyna baryp, qarý turǵan orynnyń zań talaptaryna sáıkestigin tekserdi.
Qylmystyń aldyn alý sharalarynyń nátıjesinde, zańsyz saqtalǵan tegis uńǵyly qarý tárkilendi. Sondaı-aq, polısııa burynnan izdestirip jatqan 5 qarý tabylyp, Reseıge qonys aýdarǵan qarý ıeleri tirkeýde turǵan qarýlaryn polısııaǵa tapsyrmaı ketkeni anyqtaldy.
Qostanaı qalasy PB azamattyq jáne qyzmettik qarý aınalymyn baqylaý bóliminiń bastyǵy Elena Semıvolova oblys turǵyndaryna azamattyq qarýdy saqtaýǵa jáne alyp júrýge beriletin ruqsat qujattyń merzimin ótkizip almaý kerektigin eskertti.
- Ruqsatty uzartý týraly ótinish polısııa organdaryna ruqsat merzimi aıaqtalǵanǵa deıin bir aı buryn beriledi. О́tinish ESQ arqyly, «E-lısenzııalaý» ınternet-portalyna beriledi. О́tinim bergen kezde turǵyndar qarý qujattaryna qosa medısınalyq qorytyndy, qarýdy qaýipsiz jaǵdaıda ustaý erejelerin biletini týraly anyqtama jáne memlekettik bajdyń tólengeni týraly túbirtek ákelýi kerek. Budan keıin polısııa qyzmetkerleri turǵylyqty mekenjaıy boıynsha qarýdyń saqtalý sharttaryn tekseredi, - dedi E.Semıvolova.
Bólim bastyǵy tirkelmegen qarý men onyń oq-dárilerin óz erkimen tapsyrǵan adamdar qylmystyq jáne ákimshilik jaýapkershilikten bosatylatynyn atap ótti.
