Al dárigerler indetpen kúreste meılinshe jedel qımyldap, adam janynan arasha bolýǵa tyrysyp baǵýda. Qýanyshtysy, aq jeleńdi jandardyń janqııarlyq eńbegi oń nátıje berip jatyr. Mysalǵa, jaqynda oblystyq aýrýhananyń dárigerleri koronavırýsqa shaldyqqan sarqandyq jas anany ajal aýzynan alyp qaldy.
Qos ókpesi birdeı qabynǵan Merýertti aýdan dárigerleri oblysqa ákelýge májbúr bolǵan. О́ıtkeni, naýqas áıeldiń aıaǵy aýyr eken. Jedel tekserýden keıin onyń ókpesindegi qabynýdyń 85 paıyzǵa deıin jetkenin anyqtalǵan. Al qursaqtaǵy sharanaǵa 35 apta bolǵan eken.
- Bizdiń aýrýhanaǵa túskende naýqastyń jaǵdaıy aýyr edi. Koronavırýsten eki ókpesinde de qabyný baıqalǵan. Aıaǵy aýyr bolǵandyqtan ádettegideı emdeý sharasyn bastaý qıyn boldy. Dereý konsılıým jasap, Nur-Sultan, Almaty qalalarymen telebaılanysqa shyqtyq. Professorlardyń keńesin tyńdadyq. Aqyldasa kele, jaryq dúnıege keletin sábıdiń densaýlyǵyna zııan , tıimdi emdeý sharasyn bastadyq. On eki kún boıy naýqasty jiti baqylap, ókpedegi qabynýdy emdedik, tynys joldaryndaǵy asqynýdyń aldyn aldyq. Derttiń beti qaıta bastaǵana keıin ota jasap, balany aman-esen týǵyzdyq. Qazir ana men balanyń ómirine eshqóandaı qaýip tónip turǵan joq, - deıdi Taldyqorǵandaǵy oblystyq aýrýhananyń bas dárgeri Anarbek Monǵolhan.
Eń súısinerligi, ómir men ólimniń kúresinde dúnıege kelgen sábıden koronavırýs belgisi anyqtalmapty. Indeten aıyǵyp, nárestesin baýyryna basqan ananyń aq jeleńdi jandarǵa aıtar alǵysy sheksiz. Bul sábı sarqandyq jas otbasy Merýert Dúısenbek pen Raýan Qylyshbaevtyń tuńǵyshtary eken. Olar qyzdaryna Káýsar degen esim beripti. Qazir ana men bala ot basy, oshaq qasyna oraldy.
