Abaı • 11 Aqpan, 2021

Abaı ortalyǵy ashyldy

26 ret kórsetildi

Kókshetaý qalasyndaǵy Abaı atyndaǵy daryndy balalarǵa arnalǵan oblystyq mamandandyrylǵan №3 mektep-ınternatta Abaıtaný kabıneti ashyldy.

Kórki kóz tartarlyq etip be­zen­dirilgen, árqıly zamanaýı qon­dyrǵylarmen jabdyqtalǵan kabınetke uly oıshyldyń elýden astam shyǵarmasy qoıylypty. Qazir mektep oqýshylary osy jerde rýhanı nár alýda. Oqý­shylardyń biri Dınara Nur­mu­hanova uly aqyn­nyń júzden astam óleńin jatqa biledi eken. Jyl saıyn turaqty ót­kiziletin «Abaı oqýlary» baı­qa­ýynda bir­neshe márte top jarǵan.

– El Prezıdenti Qasym-Jomart Toqaev óziniń «Abaı jáne HHI ǵasyr» atty maqa­lasynda ulttyq sanany jań­ǵyrtý úshin jas urpaq ata mura­syn oqý kerektigin atap ótti emes pe? – deıdi oqýshy Dı­nara Nurmuhanova. – Biz osy talap­tyń údesinen shy­ǵýy­myz ke­rek. Men ózimniń osy oıymdy qur­bylaryma udaıy aıtyp, jaq­sylyqqa jetelep júremin.

Mektepte jaqsylyq sha­ra­pa­ty mol talaı is qolǵa alyn­­ǵan eken. Sonyń biri oqý jy­lynyń basynan bas­tap qurylǵan Abaıtaný klýby. Klýb músheleri onlaın jú­ıe­de kemeńger tulǵanyń mol mura­syn muqııat zerttep, ár óleńinde aıtylatyn te­reń oıdy tebirene taldaıdy. Árkim óziniń túı­singenin, shá­kirt kóńilde alaý­laǵan ush­qyn­dy jetkizýge tyrysady. Klýb quramyndaǵy elý­den as­tam oqýshy árbir jylýy mol jıyn­ǵa yjdahatty da­ıyn­dalyp, yqylaspen qa­tysady.

– Abaı murasy kól-kósir rýhanı qazyna, – deıdi klýb jetekshisi Maqsat Muratov, – biz Abaıtaný kabınetiniń arqasynda jas tolqynǵa jarasymdy tárbıe berýge umty­lý­damyz. Telefondaǵy arnaıy baǵdarlama arqyly kez kelgen qara sózin, oqýshy kóńili qalaǵan shyǵarmasyn kórsete alamyz.

Oıǵa bókken ortalyqtyń artyqshylyǵy da osynda. Kez kelgen adam kórneki quraldar arqyly ózine qajetti dúnıeni taban astynda taba alady. Oı teńizin keshemin degen oqýshyǵa odan artyq ne kerek.

 

KО́KShETAÝ

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar