Sanavıasııaǵa bıýdjetten bólingen aqsha kóbinese An-2, Iаk-40, An-24 ushaqtaryna ǵana jetedi. Ol ushaqtardyń qyzmet etýdegi ortasha merzimi 40 jyldan asady. Depýtattar olardyń tehnıkalyq jaǵdaıy, máselen, shýyly, dirili, ushaq ishindegi temperatýrasy aýyr naýqastarǵa medısınalyq qyzmet kórsetý jáne tasymaldaý standarttaryna sáıkes kelmeıtinin atap ótti.
«Sapaly jáne ýaqtyly medısınalyq kómektiń mindetti sharty naýqastardy tasymaldaýǵa álemdik standarttarǵa jaýap beretin zamanaýı ushaqtardy paıdalaný ekenin atap ótken jón. Sondaı-aq, bıýdjet qarjysynan tólenetin ushý ýaqytynyń 1 saǵatyna tarıfti ulǵaıtýǵa qarjy bólý qajet dep sanaımyz. Bul jańa ári zamanaýı áýe kóliginiń túrlerin paıdalaný úshin de mańyzdy. Osy sharalar sanıtarlyq avıasııa qyzmetin odan ári damytý men áleýetin arttyrýǵa sep bolady jáne el turǵyndaryna medısınalyq kómektiń qoljetimdiligi men sapasyn arttyrýǵa, jalpy ólim-jitimdi azaıtýǵa yqpal etedi», dep atap ótti senator Aqmaral Álnazarova.
