Esterińizge sala keteıik, 2021 jyldyń 1 aqpanynan bastap Almatyda COVID-19-ǵa qarsy kezeń-kezeńmen vaksınasııalaý bastaldy.
Birinshi kezeń barysynda 1 315 medısına qyzmetkeri vaksınasııalandy.
"Dáriger-epıdemıolog retinde men de vaksınasııalandym. Bir kún ishinde temperatýra túrinde reaksııa boldy, qaltyraý bir kúnge sozyldy – mundaı reaksııalar bolýy múmkin jáne kez kelgen vaksınadan keıin bolady. Kelesi kúni ózimdi jaqsy sezindim. Biz vaksına alǵan barlyq qyzmetkerlerdi qadaǵalaımyz jáne janama áserlerdi tirkemedik", dep atap ótti Elvıra Ibragımova.
Vaksına -18 gradýs temperatýrada tasymaldanady. Sarapshy vaksına jetkizilgen sátten bastap vaksınasııanyń ózine deıin barlyq talaptar qatań saqtalatynyna nazar aýdardy. Almaty emhanalarynda vaksınany saqtaý úshin muzdatqysh kameralar satyp alyndy, barlyq prosess baqylanyp, vaksına medısınalyq uıymǵa jetkizilgen sátten bastap vaksınasııalaý bastalǵanǵa deıin qatań baqylaý júrgizilip jatyr. Búkil prosesti táýelsiz baqylaýshylar baqylaıdy.
"Men vaksınasııa boıynsha barlyq talaptardyń qatań saqtalatynyna ózim kóz jetkizdim. Buǵan barlyq medısınalyq qaýymdastyq asqan jaýapkershilikpen qaraıdy. Barlyq erejeler saqtalady. Qyzmetkerler daıyn, qorqýdyń qajeti joq. Qazir kóptegen adamdar vaksınasııalanǵysy keledi, óıtkeni olar aýrýdy qaıta juqtyrǵannan góri vaksınany alǵan durys ekenin túsinedi", dedi ol.
