Sonyń ishinde alǵashqy medısınalyq-sanıtarlyq kómek kórsetý uıymdarynan – 283, medısınalyq jedel járdem kórsetý mekemesinen – 83, ınfeksııalyq aýrýhanadan – 54 medısına qyzmetkeri, sanıtarııalyq-epıdemııalyq baqylaý qyzmetinen – 59 jáne 226 basqa da mekeme qyzmetkerleri egildi.
Bul jóninde búgin Densaýlyq saqtaý basqarmasynyń basshysy Baqytjan Pozılov aqparattyq-kommýnıkalyq ortalyqta ótken brıfıng kezinde aıtty.
– Vaksınasııa erikti túrde jasalýda. Mindetti túrde vaksınasııalaýǵa profılaktıkalyq egýge qarsy kórsetilimderi joqtar jiberiledi. Ekpe alarǵa deıin dárigerdiń mindetti tekserýi júrgiziledi. Dáriger vaksınalaýdan keıin múmkin bolatyn janama áserleri týraly eskertip, jadynama berip jatyr. Vaksınasııa alǵandarǵa medısınalyq baqylaý talapqa sáıkes uıymdastyrylyp, júrgizilip jatyr. Búgingi kúni koronavırýs ınfeksııasyna qarsy ekpe egilgen azamattardyń densaýlyǵy qanaǵattanarlyq. Vaksınasııalanǵandar arasynda ekpeden keıin asqynýlar tirkelmedi, – dedi qalanyń bas dárigeri.
Sonymen qatar basqarma basshysy qaladaǵy epıdemııalyq jaǵdaıdyń turaqty ekenin jetkizdi.
Shymkent qalasynda 2020 jyldyń 24 naýryzynan 2021 jyldyń 12 aqpanyna deıingi aralyqta COVID-19 aýrýynyń 5 984 jaǵdaıy tirkeldi. Onyń ishinde 3054 sımptomdy, 2930 sımptomsyz. Emdelip shyqqandar sany – 5 448, qaıtys bolǵandar - 94.
О́tken táýlikte COVID-19 ınfeksııasyn juqtyrǵan 9 jaǵdaı tirkeldi.
Búginde qalada 1 060 tósek – oryn bar, onyń 889 tósek – orny bos. Juqpaly jáne karantındik aýrýhanalarda 171 naýqas em qabyldaýda nemese tolymdylyǵy 16% quraıdy (sonyń ishinde KVI 38, JRVI 108, pnevmonııa 25, karantındik 0). Qalada kovıdtiń yqtımal tolqynyna úsh ssenarıı (A,V,S) boıynsha tolyǵymen daıyndyq jumystary júrgizilgen.
