Aımaqtar • 13 Aqpan, 2021

«Syr jurty» tanymdyq-passıonarlyq jobasy júzege asyrylady

65 ret kórsetildi

Táýelsizdiktiń 30 jyldyǵy merekesine oraı oblystyq basqarmalar men salalyq mekemeler «Rýhanı jańǵyrý» baǵdarlamasy jáne «Táýelsizdik bárinen qymbat» maqalasy negizinde «Syr jurty» tanymdyq-passıonarlyq jobasyn ázirledi, dep habarlaıdy Egemen.kz

Joba «Syr sańlaqtary», «Týǵan jer – tunǵan shejire», «Tal besikten – jer besikke deıin», «Syr eli – jyr eli», «Syr óńiri – ulttyq qundylyqtardyń temirqazyǵy» sekildi 5 baǵyttan turady. Mundaǵy basty maqsat óńirdiń tarıhı-saıası jáne mádenı-rýhanı daralyǵyn aıshyqtap, óskeleń urpaqqa táýelsizdiktiń qundylyǵyn uǵyndyrý. Joba aldaǵy 3 jylǵa josparlanǵan.

«Jobaǵa engizilgen bes baǵyttyń ózindik erekshelikteri bar. Biz túrki jurtyna ortaq tulǵa Qorqyt atadan bastap, Syrda ómir súrgen tarıhı tulǵalar týraly telehabarlar daıyndap, ǵylymı izdenis jumystaryn júrgizip, tarıhı oryndarǵa ekskýrssııalar uıymdastyrmaqpyz. Salt-dástúrler men ádep-ǵuryptardy, tárbıe daǵdylaryn, dástúrli otbasy qundylyqtaryn, salaýatty ómir saltyn nasıhattaımyz. Jastar arasynda jyrshy-jyraýlyq, aqyndyq, kúıshilik jáne oryndaýshylyq ónerdi nasıhattaýǵa qoldaý bildiremiz. Mádenıettanýshylar, tarıhshylar, fılosoftar men áleýmettanýshy mamandardyń qatysýymen lektorııler, zııaly qaýym ókilderimen kezdesýler, suhbattar uıymdastyrý sekildi túrli formatty sharalar ótedi», dedi oblys ákiminiń orynbasary Serik Ahmet.
Jobanyń birinshi kezeńi bastalatyn 2021 jyly túrli formatta 113 shara uıymdastyrý josparlanǵan.

Sońǵy jańalyqtar

Sheteldik vaksınalar aqyly bolady

Koronavırýs • Keshe

Almatyda qylmys azaıdy

Aımaqtar • Keshe

Uqsas jańalyqtar