Jalpy taqyrypqa qatysty turǵyndardan 130-dan astam pikir qaldyrylǵan. Qala ákimi shaharda áleýmettik mańyzy bar azyq-túlik taýarlarynyń baǵasyn turaqtandyrý is-sharalarynan habardar etip, turǵyndar saýaldaryna jaýap berdi. Sondaı-aq, azyq-túlik baǵasynyń qymbattaý sebebin de túsindirip ótti.
Murat Dúısenbekuly eń aldymen epıdemııalyq jaǵdaıdan habardar etti. О́tken táýlikte COVID-19 ınfeksııasyn juqtyrǵan 9 jaǵdaı tirkeldi. Búginde qalada 1 060 tósek-oryn bar (juqpaly – 560, karantın – 500), onyń 889 tósek-orny bos. Juqpaly jáne karantındik aýrýhanalarda 171 naýqas em qabyldaýda nemese tolymdylyǵy 16%. Shymkent qalasynda alǵashqy 9 kúnde egý bólmelerinde koronavırýs ınfeksııasyna qarsy 705 medısına qyzmetkeri vaksınasııalandy.
Shymkentte qazirgi tańda naryqta jumyrtqa, kúnbaǵys maıy jáne qumsheker taýarlarynyń baǵasy qymbattaǵan. 2020 jyldyń qazan aıynan bastap jumyrtqanyń baǵasy 305 teńgeden 378 teńgege (10 danasy), 23,9%-ǵa ósken. Oǵan taýyq azyǵynyń orta eseppen 40 %-ǵa ósýi jáne qus tumaýyna qarsy vaksınalardyń 61%-ǵa qymbattaýy sebep bolyp otyr.
Osyǵan baılanysty 1 sanatty jumyrtqanyń baǵasyn turaqtandyrý maqsatynda óńirlik turaqtandyrý qorynan «Shymkent qus» taýar óndirýshisine 200 mln teńge aınalymǵa qaryz qarajat berildi. О́ndirýshi kásiporynnyń ónimderi qazirgi tańda «Gramad», «Fırkan» saýda jelilerinde 10 danasy 322 teńgeden satylyp jatyr.
Al 2020 jyldyń qazan aıynan bastap kúnbaǵys maıy 469 teńgeden 599 teńgege, 27,7%-ǵa qymbattaǵan. О́ndiriste paıdalanatyn shıkizattyń qymbattaýy (kúnbaǵys tuqymy kóleminiń azaıýy) baǵanyń ósýine áseri etken.
Qala ákimi shaharda óńirlik turaqtandyrý qorynyń jumysyna jalpy 4,2 mlrd teńge qaralǵanyn atap ótti. Iаǵnı saýda nysandarǵa aınalymǵa qaryz qarajat berilýde. Atap aıtqanda, «Fırkan» saýda jelisine (15 nysan) 300 mln teńge, «Turar» JShS-ne 505 mln teńge, «Shymkent qus» JShS-ne 200 mln teńge, «Gramad» saýda jelisine (4 nysan) 800 mln teńge, «Iýpeks» JShS-ne 500 mln teńge, «Hermes» JShS-ne 28 mln teńge qaryz qarajaty berildi.
Sondaı-aq qala aýmaǵynyń tyǵyz ornalasqan aımaqtarynda áleýmettik dúkender ashý, saýda nysandaryna monıtorıng júrgizý, jármeńkeler uıymdastyrý jumystary atqarylyp jatyr.
