«Qysqa merzim ishinde 200 oryndyq jańa juqpaly aýrýlar aýrýhanasy salynyp, joǵary tehnologııalyq medısınalyq jabdyqtarmen jaraqtandyryldy. Budan basqa, eseptik jyly úsh nysannyń qurylysy aıaqtaldy. Bular Kókshetaý qalasyndaǵy onkologııalyq emhana, Selınograd aýdanynyń Sofıevka jáne Shortandy aýdanynyń Stepnoe aýyldaryndaǵy dárigerlik ambýlatorııalar. 2021 jyly Qosshy aýylynda jańa emhanany iske qosý josparlanǵan. Qaraótkel aýylynda dárigerlik ambýlatorııa men Selınograd aýdanynyń Qoıandy eldi mekeninde alǵashqy medısınalyq-sanıtarlyq kómek ortalyǵynyń qurylysy aıaqtalýǵa jaqyn. Kókshetaý qalasyndaǵy Saryarqa shaǵyn aýdanynda 630 oryndyq zamanaýı kópbeıindi aýrýhananyń qurylysy aýqymdy joba júzege asyryla bastady», dep atap ótti aımaq basshysy.
E.Marjyqpaevtyń aıtýynsha, «Jumyspen qamtý jol kartasy» baǵdarlamasy sheńberinde quny 1,5 mıllıard teńge somasyna segiz densaýlyq saqtaý nysanyna kúrdeli jóndeý jumystary júrgizildi. Astrahan, Sandyqtaý jáne Egindikól aýdandyq aýrýhanalarynda tolyq derlik jańǵyrtyldy.
