О́tken táýlikte óńirde atalǵan aýrý boıynsha 18 naýqas tirkeldi. Naýqastardyń 15-i Qyzylorda qalasynyń, qalǵany Qarmaqshy aýdanynyń turǵyndary.
Aımaqqa aqpan aıynyń basynda reseılik «Spýtnık V» vaksınasynyń 1000 dozasy jetkizilgen. Ekpe egý alǵashqy kezeńde medısına salasynyń, onyń ishinde qabyldaý, juqpaly aýrýlar, jansaqtaý jáne hırýrgııalyq bólim qyzmetkerlerine júrgizilýde. Al kelesi kezeńde muǵalimderge jáne juqtyrý qaýpi neǵurlym joǵary jumys oryndarynyń qyzmetkerlerine salynady.
«Barlyǵy dárigerler baqylaýynda, densaýlyǵyna shaǵymy joq. Myna álemdi jaılaǵan indettiń taralý qaýpin tek ekpe saldyrý arqyly ǵana tómendete alamyz», deıdi oblystyq densaýlyq saqtaý basqarmasynyń mamandary.
