Saılaýaldy mindettemelerdi iske asyrýdyń Jol kartasy

Onda Úkimettiń jáne Nur Otan par­tııasynyń Májilistegi Fraksııasynyń Nur Otan partııasynyń 2025 jylǵa deıin­gi «О́zgerister joly: ár azamat­qa laıyqty ómir!» saılaýaldy baǵ­dar­lamasyn oryndaýdyń Jol kartasyn iske asyrý jónindegi birlesken jumysy týraly aıtyldy.

Otyrysta Premer-Mınıstr As­qar Mamın partııanyń saılaý baǵ­dar­lamasynyń oryndalýy jaıly baıandama jasady.

Jol kartasy saılaýaldy baǵdar­la­manyń tórt baǵytyn iske asyrý bo­ıyn­sha 362 is-sharany qamtıdy. Olar jyldar boıynsha belgilengen jáne qar­jylyq turǵydan bekitilgen. Bul rette is-sharalardyń basym bóligi áleýmettik máselelerdi sheshýge, sondaı-aq ekonomıka men óńirlerdiń turaqty damýyna baǵyttalǵan. Osy maqsatpen otandyq zańnamany jetildirý de josparlanǵan.

«Jol kartasynyń ázirlengen jobasy Nur Otan partııasynyń «О́zgerister joly: árkimge laıyqty ómir!» saılaýaldy baǵdarlamasyn tolyq ári sapaly iske asyrý jónindegi barlyq qajetti sharalardy qamtıdy. Úkimet barlyq is-sharalardyń ýaqytyly oryndalýyn qamtamasyz etedi. Barlyq sharalardy iske asyrýdyń nátıjesi – jańa shynaıylyq jaǵdaıynda halyqtyń turmys sapasy men ál-aýqatynyń naqty artýy bolady», dedi A.Mamın.

Úkimet basshysynyń baıandamasynan keıin depýtattar mınıstrlerge birqatar suraq qoıdy. Qaınar Abasov Aýyl sharýashylyǵy mınıstri Saparhan Omarovqa Nur Otan partııasynyń saılaýaldy baǵdarlamasyna sáıkes 600 myń gektar jańa sýarmaly jerdi ıgerip, onyń jalpy alańyn 2,2 mln gektarǵa deıin jetkizý mindeti turǵanyn aıtty. Saılaý aldyndaǵy úgit-nasıhat kezinde aýyl sharýashylyǵy óndirýshileri kótergen negizgi problema – sýaratyn sýmen jetkilikti túrde qamtamasyz etilmeý jáne ırrıgasııalyq júıelerdiń nashar jaǵdaıda bolýy. О́ıtkeni sýarmaly jerlerdi tolyqqandy sýaratyn sýmen qamtamasyz etý joǵary sapaly ónim alýdyń, al ońtústikte jylyna eki retke deıin ónim alýdyń negizgi quramdas bóligi bolyp tabylatynyn jetkizip, bul jobany qandaı qarajat nemese qoldanystaǵy qandaı baǵdarlamalar esebinen iske asyrýdy josparlap otyrǵany týraly surady.

Osyǵan oraı, Májilis Tóraǵasy: «Árıne, 600 myń gektar jańa jerdi ıgerý ońaı sharýa emes. Baǵdarlamada jazylǵannan keıin, oǵan qol jetkizýimiz kerek. Menińshe, bul tek qana Aýyl sharýashylyǵy mınıstrliginiń máselesi emes. Buǵan Ekologııa mınıstrligi de óz úlesin qosý kerek», dedi.

Májilis Spıkeri saılaýaldy baǵ­dar­lamada kórsetilgen is-sharalardy iske asyrýǵa qajetti qarajattardyń kózdelgenin atap ótip, depýtattar syrtqy jáne ishki naqty jaǵdaılardy eskere otyryp, kezekti respýblıkalyq bıýdjet jobasyn qaraý kezinde ha­lyq aldyndaǵy mindettemelerdi qar­jylandyrý úshin qajetti túzetýlerdi engizýge daıyn ekenin jetkizdi.
Otyrys barysynda, Nurlan Nyǵ­matýlın: «Elbasynyń Jol kartasyn ázirleý týraly tapsyrmasyna sáıkes, kóptegen jumystar atqarylǵanyn kórip otyrmyz. Oǵan fraksııa depýtattary da, Úkimet músheleri de, partııa ókilderi de belsendi qatysty. Aldaǵy josparlarymyz, maqsattarymyz belgili. Endi osy baǵytta jumysymyzdy odan ári jalǵastyratyn bolamyz», dedi.

Jol kartasy partııanyń naqty maqsattaryna baǵyttalǵanyn jetkizgen Palata Spıkeri saılaýaldy baǵdarlama halyqtyń barlyq sanatyn qamtyǵanyn aıta kele: «Sonymen birge áleýmettik qamtamasyz etý, bilim, densaýlyq, aýyl sharýashylyǵy, ónerkásip, shaǵyn jáne orta bıznesti damytýǵa jańa qadam jasalyndy. Baǵdarlamada otbasyn, áıel azamattardy, jastardy qoldaýǵa da erekshe kóńil bólindi. Osy maqsattarǵa jetý úshin Jol kartasynyń árbir tar­maǵynyń oryndalýyn qatań baqylaý qa­jet. Bul – Elbasymyzdyń qańtardyń ortasynda bizge bergen tapsyrmasy», dedi.

Bul rette Jol kartasynyń barlyq baǵyty Májilistiń komıtetteri arasynda bólingen. Al onyń naqty tarmaqtaryna baqylaýdy kúsheıtý úshin Nur Otan fraksııasynyń depýtat­tary bekitildi. Atap aıtqanda, Máji­listiń komıtet tóraǵalary Q.Mýsın, J.Nurmanbetova, M.Qusaı­nov, A.Qus­pan, A.Raý, son­daı-aq bas­qa saıası par­tııalardyń tóra­ǵalary bar eki komıtette bul jumysty komı­tet­terdiń hatshylary – fraksııa múshe­leri úılestiretin bolady. Olar – A.Qo­jahmetov pen B.Ospanov.

Sonymen qatar depýtattar baǵ­dar­lama tarmaqtarynyń oryndalýy týraly aqparat berýge derbes jaýapty memlekettik organdardy da anyqtaýdy usyndy. Ol kem degende vıse-mınıstr deńgeıinde bolýy kerek.

Jıyndy qorytyndylaǵan Májilis Tóraǵasy: «Bul Jol kartasy – árbir oblysty, árbir aýdandy, árbir aýyldy jáne barlyq halyqty qamtıdy. Ol alǵa qoıylǵan mindetterdi ashyq, sapaly, tıimdi oryndaýǵa keń jol ashady. Sebebi onda partııamyzdyń Tóraǵasy, Elbasy Nursultan Ábishuly Nazarbaevtyń tapsyrmasyna sáıkes, bar­lyq sala boıynsha, ásirese, áleý­mettik máselelerdi sheshýdiń naqty sharalary kórsetildi», dedi.

Aıta ketý kerek, jıynǵa Nur Otan par­tııasy Tóraǵasynyń birinshi orynbasary Baýyrjan Baıbek jáne Úkimet músheleri qatysty.

Nur Otan partııasy fraksııasynyń mú­sheleri – depýtattar daıyndaǵan Jol kartasyn qoldap, ózekti máselelerdi alǵa tartyp, pikirlerin ortaǵa saldy.