Qazaqstan • 15 Aqpan, 2021

Qurǵaqshylyqtan saqtandyratyn qurylym

11 ret kórsetildi

Elimizdiń sharýalary egis alqaptaryn qurǵaq­shy­lyqtan saqtandyra alady. Ony úıden shyqpaı-aq ınternet arqyly jasaýǵa múmkindik bar. Bul úshin elektrondy sıfrly qoltańba arqyly Qoldau.kz portalyna kirse bolǵany. Saqtandyrý qunynyń jartysyn memleket tóleıdi.

Byltyr bastalǵan onlaın saqtandyrý jaqsy nátıje kórsetti. Mysaly, fermerlerge 535 mln teńgeniń saqtandyrý tólemi berildi. Saqtandyrý jaǵdaıy týyndaǵanyn komıssııa músheleri emes, spýtnıktik málimetterge negizdelgen aqparattyq júıe anyqtady. Bul saqtandyrý tólemi mehanızminiń obektıvtiligi men ashyqtyǵyn qamtamasyz etti.

Agrosaqtandyrý salasyndaǵy operator – «QazAgro» Ulttyq basqarýshy holdıngi» AQ-nyń enshiles kompanııasy Aýyl sharýashylyǵyn qarjylaı qoldaý qory. Memleket operator arqyly aýyl sharýashylyǵy taýaryn óndirýshilerge saqtandyrý syıaqysyn tóleýge arnalǵan shyǵyndardyń bir bóligin óteıdi.

«Aýyl sharýashylyǵyn qarjylaı qoldaý qory» AQ Saqtandyrý departamentiniń dırektory Ásel Ramazanovanyń aıtýynsha, bıyl agrosaqtandyrý shyǵyndaryn sýbsıdııalaýǵa 3,3 mlrd teńge bólý josparlanyp otyr. Barlyq saqtandyrý prosesi Agroinsurance servıstik júıesi ornalasqan Qoldau.kz platformasynda iske asyrylady. Qazaqstandyq saqtandyrý kompanııalary óz táýekelderin álemdik naryqta aıryqsha orny bar Swiss Re, Munich Re jáne Hannover Re sııaqty iri halyqaralyq kompanııalar arqyly qaıta saqtandyrady.

Saqtandyrýǵa dándi daqyldar (bıdaı, arpa, júgeri, suly) jáne maıly daqyldar (kúnbaǵys, raps, zyǵyr) jatady. Aıta keteıik, egis alqaptaryn Aqmola, Aqtóbe, Batys Qazaqstan, Qaraǵandy, Qostanaı, Pavlodar jáne Soltústik Qazaqstan, Shyǵys Qazaqstan, oblystarynyń sharýalary saqtandyra alady.

Egis alqabyn saqtandyrý úshin sharýa eń áýeli elektrondy sıfrly qoltańba arqyly saıtqa tirkelý kerek. Sodan soń jeke kabınetke kirý arqyly tizimnen táýekeli basym saqtandyrylýy tıis egis alqabyn jáne saqtandy­rý kompanııasyn tańdaýy (Jýsan Garant, Vıktorııa, Nomad ınshýrans) qajet. Budan keıin saqtandyrý qunynyń
50%-yn­ tóleıdi.

Osy qarapaıym prosedýralardan keıin fermer kún saıyn jeke kabıneti arqyly topyraqtaǵy ylǵal deńgeıin baqylaýǵa múmkindik alady. Bul úshin únemi onlaında bolýdyń qajeti joq. Eger júıe ylǵal jetispeýshiligin nemese artyq mólsherin tirkese, fermer elektrondy poshtasy arqyly habarlama ala alady. Osydan keıin elektrondy sıfrly qoltańba arqyly tólem ótinishine qol qoıýy kerek.

Barlyq prosess avtomattandyrylǵan jáne saqtandy­rý shartyna sáıkes saqtandyrý jaǵdaıy tirkelgen sátten bas­tap 15 jumys kúni ishinde tólem jasalady.

Ylǵal tapshylyǵynan saqtandyrý jaǵdaıy oryn alýy múmkin táýekelderdi saqtandyrý ındeksi úsh kezeńdi qamtıdy. Birinshi kezeń – 15 mamyrdan 14 maýsymǵa deıin, ekinshi kezeń – 15 maýsymnan 14 shildege deıin jáne saqtandyrý arqyly qorǵanýdyń úshinshi kezeńi – 15 shildeden 14 tamyzǵa deıin. Osy kezeńderdiń árqaısysy úshin júıede óz trıggerleri qoıylady. Iаǵnı saqtandyrý jaǵdaıy iske qosylatyn núkteler men kezeńderdiń árqaısysyna tólemder qarastyrylǵan. Topyraqtaǵy ylǵal deńgeıin anyqtaýdyń tolyq prosesi, trıggerler men basqa da parametrler sharýanyń jeke kabınetine jiberilip turady.

Qazaqstannyń kóptegen aımaqtarynda túsken qardyń jáne topyraqtaǵy ylǵal qorynyń azdyǵyn eskere otyryp, sarapshylar bıyl jazda qurǵaqshylyq bolady dep boljap otyr. Qor memlekettik sýbsıdııa esebinen qoldaý bildiriletin qurǵaqshylyqtan saqtandyrý mehanızmi sharýalarǵa úlken kómek bolatynyna senimdi.

 

Sońǵy jańalyqtar

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Almaty qalasynda jer silkindi

Aımaqtar • 06 Mamyr, 2021

Taýda joǵalyp ketken týrıst tabyldy

Aımaqtar • 06 Mamyr, 2021

Uqsas jańalyqtar