Shymkent qalasynyń Polısııa departamenti bastyǵynyń buıryǵyna sáıkes, qala aýmaǵynda jedel jaǵdaıdy saýyqtyrý, otty atys qarýmen jasalǵan qylmystardyń aldyn alý maqsatynda aǵymdaǵy jyldyń aqpan aıynyń 3-i men naýryz aıynyń 2-i aralyǵynda «Qarý» jedel-profılaktıkalyq is-sharasy ótkizilýde.
Is-shara barysynda osy kúnge deıin ishki ister organdarynda tirkeýdegi 6 282 qarý ıesiniń 1 234 tekserilip, 64 qarý ıesinen qarýdy saqtaý jáne tirkeý erejelerin buzý faktileri anyqtalyp, olarǵa ákimshilik shara kórildi. Zańsyz aınalymnan 10 birlik qarý, úsh dana snarıad, eki dana sýyq qarý jáne bir dana oq-dári alyndy.
