Aımaqtar • 15 Aqpan, 2021

Úı-ishilik janjaldy oq atýmen rettemek bolǵan buzaqy ustaldy

431 ret

kórsetildi

1 mın

oqý úshin

Soltústik Qazaqstan oblysynyń Taıynsha aýdany ortalyǵynyń turǵyndary beımezgil kezde gúrs-gúrs etip atylǵan myltyq daýysynan shoshyp ketti. Ony istep júrgen Taıynsha qalasynyń 1995 jyly týǵan turǵyny bolyp shyqty. Otbasylyq janjaldan týǵan ashýdan ol tirkelmegen ańshy myltyǵymen birneshe ret oq atqan. Abyroı bolǵanda týystarynyń eshqaısysy zardap shekken joq.

Jaqsybaı SAMRAT

Úı-ishilik janjaldy oq atýmen rettemek bolǵan buzaqy ustaldy

Polısııa qyzmetkerleri jedel kelgen kezde, ol qarýdy alyp oqıǵa ornynan jasyrynǵan. Taıynsha aýdany polısııa bóliminiń qyzmetkerleri ony qala kósheleriniń birinen ustady. Qardan 16 kalıbrli ańshy myltyǵy, uńǵydan 1 patron tabyldy. Oqıǵa ornyn teksergen kezde 3 patron men 3 atylǵan gılza shyqty.

Osy fakti boıynsha Qylmystyq kodekstiń 293-baby - «Buzaqylyq» boıynsha sotqa deıingi tergep-tekserý bastaldy. Taıynsha aýdany polısııa bóliminiń bastyǵy polısııa podpolkovnıgi Nurlyjan Aqtanovtyń aıtýynsha, kúdiktige qatysty Qazaqstan Respýblıkasy Qylmystyq prosestik kodeksiniń 128-baby – «qamaýǵa alý» bultartpaý sharasy tańdalypty.

Soltústik Qazaqstan oblysy