Ony Jambyl aýdany polısııa bóliminiń tabıǵatty qorǵaý polıseıleri anyqtaǵan. Olar aýyldardyń birinde úıdiń mańynan jiliktep bólingen sibir eliginiń etin kórgen. Ańnyń terisinde oq izderi bolǵan. Janýardy zańsyz atyp alǵany úshin aýdannyń 46 jastaǵy turǵyny ustaldy. Atalǵan fakti Sotqa deıingi tergep-tekserýdiń biryńǵaı tizilimine QR Qylmystyq kodeksiniń 337-baby «Zańsyzańshylyq» boıynsha engizildi. Kúdiktige qatysty mindetti kelý túrindegi májbúrleý sharasy taǵaıyndaldy.
Janýardyń qalǵan músheleri, «Rys» qarda júrgishi, 12 kalıbrli «IJ-43E» jáne«TOZ-87» ańshy myltyqtary, oq-dáriler, basqa da qural-jabdyqtar alyndy. Kúdiktimen birge taǵy eki aýyl turǵyny bolǵan. Qazirgi ýaqytta bolǵan oqıǵanyń mán-jaıyn tolyq jáne obektıvti anyqtaýǵa baǵyttalǵan sotqa deıingi tergeý júrgizilýde.
Jyl basynan oblysta balyq aýlaý qaǵıdalarynyń 37 buzýshylyǵy jáne ań aýlaýdyń 122 buzýshylyǵy anyqtaldy. Tabıǵı resýrstardy brakonerlik jolmen tabýǵa qarsy is-qımyl jasaý– polısııa jumysyndaǵy mańyzdy baǵyttardyń biri.
Soltústik Qazaqstan oblysy
