Qazaqstan • 16 Aqpan, 2021

Japonııanyń SMBC banki «Damý» Qorynyń jeńildikti nesıesine kepil boldy

Osylaısha japondyq Sumitomo Mitsui Banking Corporation banki 5 mlrd teńgege kepildik usynyp otyr.

«Toıota Faınanshl Servısez Kazahstan» MQU JShS (Toıota Fınans) «Damý» Qorynan «Damý-Mıkro» baǵdarlamasy boıynsha jeńil nesıege dep alǵan 5 mlrd teńgeniń 1,5 mlrd teńge kólemindegi úshinshi transhyn ıgere bastady. «Damý» Qorynan Toıota Fınans tartatyn qaryz lımıtin arttyrý jónindegi kelisim úshin Japonııanyń iri bankteriniń biri – Sumitomo Mitsui Banking Corporation-tiń Brıýssel ofısi Toıota Fınans atynan kepil shyǵardy. Bul kepildikke «Qazaqstan Halyq banki» AQ rastama berdi.

2020 jyly Toyota Fınans 2 mlrd teńgeni ıgerdi, al 2021 jylǵy 1 aqpandaǵy derekter boıynsha mıkroqarjy uıymy jalpy somasy 3,1 mlrd teńgege 247 mıkro jáne shaǵyn jeke kásipkerlik sýbektilerin qarjylandyrǵan.

«Biz kompanııamyzdyń turaqty damýyna jáne klıentterimizge keń aýqymdy qyzmet kórsetý úshin halyqaralyq mámileler jasaımyz. Japondyq Sumitomo Mitsui Banking Corporation Brussel Branch bankine júginý bizdiń ónimderimizdi barynsha arzandatýǵa jáne olardy qazaqstandaǵy mıkrobıznes úshin barynsha qoljetimdi etýge degen nıetimizdi kórsetedi», – dedi Toıota Fınans Prezıdenti Jeńisbek Dosymhanov.

«Biz mıkroqarjy uıymdarymen qoıan-qoltyq jumys isteýge umtylamyz. Biz úshin olardyń turaqtylyǵy, ıaǵnı, qarjyly bolýy, mıkro- shaǵyn bıznesti qoldaýy úshin damýy mańyzdy. Biz olardyń qazaqstandyq mıkrobıznestiń qarjyǵa qol jetkizýinbarynsha jeńildetý jáne arzandatý jolyndaǵy nıetin barynsha qoldaımyz», – dedi «Damý» Qorynyń Basqarma tóraıymy Gaýhar Býrıbaeva.

Oraıy kelip turǵanda Sumitomo Mitsui BankingCorporation – reıtıngteri: Moody's «A1», S&Pboıynsha «A» jáne Fitch «A» deigeıinde ekendigin atap ótken jón.

SMBC 2001 jyly Sumitomo men Mitsuibankteriniń birigýi nátıjesinde quryldy, olardyń tarıhy tórt ǵasyrdan asady.

Sumitomo Mitsui Banking Corporation (SMBC) shtab-páteri Tokıoda ornalasqan, aktıvteri boıynshaálemdegi eń iri 25 banktiń qataryna kiretin (2,13 trlndollar) Sumitomo Mitsui Financial Group (SMFG) bank holdınginiń negizgi múshesi.

Group Eýropa, Taıaý Shyǵys jáne Afrıkanyń (EMEA) 20 qalasynda keńseleri bar, onyń ishinde Londondaǵy óńirlik shtab-páteri bar. Bul jolǵyqazaqstandyq mámilege Brıýssel fılıaly qatysty.

Al TOO MFO «Toıota Faınanshl ServısezKazahstan» (Toıota Fınans)

Toyota Motor Corporation álemdik avtoóndirýshinińqarjylyq enshiles kompanııasy. Toyota Fınanstyńnegizgi maqsaty – Toyota jáne Lexus brendterinińklıentterine qoljetimdi jáne yńǵaıly mıkronesıeberý baǵdarlamalary arqyly avtomobılder satypalý múmkindigin berý.