Bul týraly oblystyq Ádilet departamenti basshysynyń orynbasary Estaı Ráshqalıev habarlady.
Málimetterge qaraǵanda óńirdegi týý týraly tirkeý sany 2019 jylmen salystyrǵanda 13 401-den 13 614-ke kóbeıgen. Neke qııý týraly jazbalar da kóbeıip, kerisinshe neke buzý jazbasy ótken jylǵymen salystyrǵanda tómendegen. Oblys boıynsha jalpy tirkelgen akt jazbalarynyń sany 25163-ke jetip, 2019 jylmen salystyrǵanda 1,5%-ǵa kóbeıgen.
– 2020 jyly Batys Qazaqstan oblysy Ádilet departamenti jalpy sany 1116 memlekettik qyzmet kórsetti. Onyń 1046-sy, ıaǵnı 93,7%-y elektrondy túrde jasaldy, – deıdi Estaı Ráshqalıev. Taratyp aıtsaq, óńirde advokattyq qyzmetpen aınalysýǵa úmitker 16 tulǵany, notarıattyq qyzmetpen aınalysý quqyǵyna úmitker 9 tulǵany, jeke sot oryndaýshysy qyzmetimen aınalysý quqyǵyna úmitker 10 tulǵany attestasııalaý boıynsha qujattar tirkelgen eken.
Ádilet organdary atqaratyn memlekettik qyzmettiń bir parasy – kommersııalyq emes zańdy tulǵalardy memlekettik tirkeý, olardyń fılıaldary men ókildikterin eseptik tirkeýge qatysty. Osyǵan sáıkes, ótken jyly Batys Qazaqstan oblysynda 92 zańdy tulǵa jańadan tirkelse, 207 uıymnyń quryltaı qujattaryna ózgertýler men tolyqtyrýlar engizilgen. 95 uıym qaıta tirkeýden ótip, 55 zańdy tulǵa taratylǵan.
– Osy ýaqyt ishinde 71 zańdy tulǵany, olardyń fılıaldary men ókildikterin zańdy tirkeýden bas tarttyq. Zańdy tulǵalardy tirkeý boıynsha oblys sottaryna 6 talap aryz túsip, onyń úsheýi qanaǵattandyryldy. Ádilet departamentiniń ózi Qazaqstan Respýblıkasy «Zańdy tulǵalardy memlekettik tirkeý jáne fılıaldar men ókildikterdi eseptik tirkeý týraly» zańynyń 16-babyna sáıkes 25 talap-aryzdy sotqa joldap, onyń 24-i qanaǵattandyryldy, – deıdi Estaı Ráshqalıev.
Tirkeý kezinde tólenetin mindetti tólemderden bıýdjetke 2 011 691,5 teńge qarajat túsken.
