Poshtalyq markalar Elshiliktiń kúndelikti hat-habarlarynda, sondaı-aq kádesyı retinde paıdalanylady.
Shveısarııada qazirgi zamanǵy sıfrlyq tehnologııalar men elektrondy qyzmetterdiń joǵary damýyna qaramastan, poshta-korrespondensııasy qoǵam ómirinde mańyzdy oryn alady.
Karantın kezeńinde poshta qyzmetteri Shveısarııa turǵyndarynyń onlaın-satyp alý sanynyń artýyna baılanysty birneshe ese ósti. Syılyqtar, taýarlarǵa tapsyrys, hattar salynǵan konvertter – búgingi kúni «sary alyp Swiss Post» arqyly sálemdemeler men konvertterdiń kóptegen sany ótip jatyr.
«Qazirgi ýaqytta biz kún saıyn mıllıonnan astam sálemdeme óńdeımiz. Bul Post tarıhyndaǵy absolıýtti rekord», – dep atap ótti Swiss Post baspasóz ókili Jaklın Bıýlman.
Jalpy alǵanda, Shveısarııadaǵy pochta jáne poshta markalarynyń tarıhy orta ǵasyrlardan bastaý alady jáne álemniń túkpir-túkpirindegi fılatelısterdiń nazary men qyzyǵýshylyǵyn týǵyzady.
