Búginde 2020 jyly Qorǵanys mınıstrliginiń obektilerin salý jáne jóndeý jumystaryn júrgizýge ashyq konkýrsta jeńip alǵan «Áskerı qurylys Astana» JShS-nyń («Áskerı qurylys» AQ enshiles uıymy) jekelegen jumystardy kórsetýge shart jasasqan qosalqy merdiger uıymdardyń aldynda qaryzdary bar ekeni keńeste aıtyldy.
Qoldanystaǵy zańnamaǵa sáıkes Qorǵanys mınıstrligi aksıonerlik qoǵamdar men jaýapkershiligi shekteýli seriktestikterdiń mindettemeleri boıynsha jaýap bermeıtini jáne olardyń sharýashylyq qyzmetine aralaspaıtyny túsindirildi.
«Áskerı qurylys Astana» JShS derbes sharýashylyq júrgizýshi sýbekt bolyp tabylady. Barlyq merdigerler men qosalqy merdigerler naryqtyq qatynastardyń sýbektileri. Konkýrstarǵa jalpy erikti túrde qatysyp, zańdy turǵysynda bir-birimen sharttyq-quqyqtyq qatynastar jasaıdy.
Qorǵanys mınıstrliginiń Qarýly Kúshter obektilerin salý jáne jóndeý jónindegi biryńǵaı operatory joq. Máselelerdi talqylaý barysynda «Áskerı qurylys Astana» JShS-niń nesıe qaryz túrindegi qarjylyq qıyndyqtary 2016 jyldan bastalǵany atap ótildi.
Tapsyrys berýshi retinde Áskerlerdi páterlerge ornalastyrý bas basqarmasy «Áskerı qurylys Astana» JShS-nyń aldyndaǵy óziniń barlyq mindetterin tolyq kólemde oryndady.
Sonymen qatar, atqarylǵan jumystarǵa barlyq qarajatty ýaqtyly aýdarǵan jáne derbes sharýashylyq júrgizýshi sýbektilerdiń ózara qarym-qatynasy úshin zańdy túrde jaýap bermeıdi. Biraq bul máseleniń áleýmettik sıpatyn eskere otyryp, Qorǵanys mınıstrligi óz bastamasy boıynsha bul máseleni óziniń zańdy quzyretteri aıasynda sheshýge belsendi qatysady.
Keńeste «Áskerı qurylys Astana» JShS-niń qosalqy merdigerler aldyndaǵy bereshegin óteý tetikteri talqylanyp, usynyldy.
Qorǵanys vedomstvosy «Áskerı qurylys Astana» JShS-ǵa aýdıt júrgizedi. Onyń barysynda Qorǵanys mınıstrliginiń Bas qarjy ınspeksııasy seriktestiktiń qarjy-sharýashylyq qyzmetiniń tıimdiligin, sondaı-aq árbir shart boıynsha qosalqy merdiger uıymdardyń jumystaryn tolyq jáne sapaly oryndalýyn aıqyndaýy tıis.
Aldaǵy múmkindikterdi iske asyrý úshin «Áskerı qurylys Astana» JShS múlki men aktıvterin túgendeý júrgiziletin bolady. Zań buzýshylyq anyqtalǵan jaǵdaıda laıyqty quqyqtyq baǵa beriledi.
«Áskerı Qurylys Astana» JShS-nyń basshylyǵy josparlanǵan is-sharalardyń oryndalýy, bereshekti jedel óteýge múmkindik beretinin aıtty.
