Oqıǵa 2019 jyldyń shilde aıynda bolǵan. Erli-zaıyptylar Oral qalasyndaǵy týrıstik agenttikteriniń birine júginedi. Jasalǵan kelisim shartqa sáıkes, olar qyrkúıek aıynyń 9-16 aralyǵynda Samara qalasynan ushý arqyly Túrkııanyń Antalııa kýrortyna týr josparlaǵan. Týrdyń quny 481 980 teńgeni tolyq tólegen. Alaıda Samara qalasynyń halyqaralyq Kýrýmoch áýejaıynda oraldyq týrıster kórsetilgen reıstiń jolaýshylar tiziminde joq ekendigi anyqtalady. Áýejaı menedjeri agenttiktiń elektrondy bıletteri qoldan jasalǵan dep málimdeıdi.
Oralǵa qaıtyp kelgen erli-zaıypty agenttiktiń ıesine talap-hat jibergen. Alaıda týroperatordyń kinásinen saıahattyń shyrqy buzyldy degendi alǵa tartqan olar kinásin moıyndamaıdy. Abaı polısııa bólimine joldanǵan ótinish te esh nátıje bermeıdi. О́tinish tirkelgenimen, kelisim-sharttyq qatynastarǵa silteme jasalyp, qaraýsyz qaldyrylady.
Osydan keıin saıahatshylar sotqa júginýge májbúr boldy.
Oral qalasynyń №2 soty azamattyq isti qaraý kezinde «K» jeke kásipkeri týrıstik agentterdiń memlekettik elektrondyq tizimine engizilmegenin anyqtaldy. Sonymen qatar, naqty qujattardyń ornyna jaýapker talapkerlerge jalǵan týrıstik paket bergen. Atap aıtqanda týroperatordyń «Sanmar» vaýcheri, al vaýcherdiń tómengi jaǵynda «Space Travel» týroperatory dep kórsetilgen. Naqty joldamalarda eki túrli operatordyń aty-jóni bolmaýy kerek jáne túpnusqada berilýi kerek. Sonymen birge týrpaketke aqy tóleý kezinde qolma-qol túbirtek berilip, fıskaldy túbirtek berilmegen.
Kompanııanyń jaýabyna qaraǵanda «K» jeke kásipkeri olarmen eshqashan yntymaqtastyq týraly kelisim jasamaǵan bolyp shyqty. Ekskýrsııaǵa usynylǵan qujattar túpnusqa bola almaıtyndyǵy anyqtaldy. О́ıtkeni «Sanmar» týroperatorynda ózindik joldamalar bar, ony ózgertý múmkin emes bolatyn.
Osy dálelder jınala kele, týrıstik qyzmetterdi kórsetý kelisimsharty jalǵan dep tanyldy. Kelisimshart boıynsha tólemniń barlyq somasyn jáne sot shyǵyndaryn óndirý týraly talap qanaǵattandyryldy.
О́z kezeginde sot týragenttiń is-áreketinde qylmystyq quqyq buzýshylyqtyń bar-joqtyǵyn baǵalaý úshin Oral qalasynyń prokýroryna, sondaı-aq agenttik qyzmetiniń zańdylyǵyn tekserý úshin memlekettik kirister departamentine habarlama joldaǵan bolatyn.
Osy jeke qaýlylar boıynsha Memlekettik kirister departamenti sottalýshyny ákimshilik jaýapkershilikke tartty, al prokýratýra alaıaqtyq faktisi boıynsha sotqa deıingi tergeýdi bastap, onyń materıaldary sotqa jiberildi.
- Búgingi kúni Oral qalalyq sotynyń úkimimen týrıstik kompanııanyń ıesi alaıaqtyq qylmysy boıynsha kináli dep tanylyp, 4 jyl merzimge bas bostandyǵy shekteldi. Ol jazasyn óteýdiń barlyq kezeńinde jylyna 100 saǵat májbúrli jumysqa tartylady, - deıdi Batys Qazaqstan oblystyq sotynyń baspasóz hatshysy Nurgúl Qanatbaeva.
