Besinshi dárejeli dánekerleýshi salmaǵy 30 kılogramm tartatyn óner týyndysyn bir aptanyń ishinde bastan-aıaq jasap bitipti. Sheber bıyl sıyr jyly bolǵan soń, áýeli jyl janýaryn músindemek bolypty. Alaıda týyndy ıspan korrıdasyndaǵy doly buqalardan aýmaı qalǵan.
– 2019 jyldyń mamyr aıynda Pavlodar mashına jasaý zaýytynda ERG kásiporyndarynyń dánekerleýshilerine arnalǵan sheberlik synyptary ótti. Sol kezde dánekerleý qurylǵysynyń kómegimen óner týyndylaryn jasaıtyn belgili metall sheberi, meksıkalyq músinshi Devıd Maderodan sabaq aldyq. Ol kisi kórsetken dúnıelerden keremet áser aldym. Sodan oıǵa túıgenderimdi kópten beri tájirıbege asyryp kórgim kelip júrgen. Biraq sáti túspedi. Taıaýda seh basshylyǵy baıqaý jarııalaǵan, kóp oılanyp jatpastan qatysýǵa ótinish berdim. Áriptesterim men seh basshysy Aleksandr Kardakov qoldaý kórsetpegende metall músindi jasap shyǵarý qıynǵa soǵatyn edi, dedi Sergeı.
Sheberge jumystan tys ýaqytynyń bárin shyǵarmashylyqqa jumsaýǵa týra kelgen. Bir jeti boıy túski úzilisi men aýysymnan keıingi demalysyn paıdalanyp bel jazbaı eńbektenipti. Metall symnan dánekerlengen janýardyń músini qazir ken ornynyń óndiriske paıdalanatyn qurylǵylaryn jóndeý sehynda tur.
Qostanaı oblysy
