Qazaqstanda halyq sanaǵy 10 jylda bir ret ótkiziledi. Alǵash ret ol 1999 jyly 25 aqpan men 4 naýryz aralyǵynda uıymdastyrylǵan. Sodan keıin 2009 jyly aqpan aıynda ótti.
«Kelesi halyq sanaǵy 2019 jylǵa belgingen bolatyn, biraq prosesti uıymdastyrýdaǵy ózgeristerge baılanysty ol keıinge qaldyryldy. Bul joly elimizdiń barlyq azamattaryn esepke alý úshin sıfrlyq tehnologııalardy paıdalaný jáne saýalnamalardaǵy suraqtar tizimin keńeıtý týraly sheshim qabyldandy. Oǵan elden kóshý josparlary, balalardyń týǵan kúnderi jáne basqa da qosymsha derekter engizildi», delingen.
Halyq sanaǵy 2020 jylǵy 1-30 qazany aralyǵynda ótýge tıis bolatyn. Biraq COVID-19 pandemııasyna baılanysty taǵy da keıinge qaldyrylyp, 2021 jylǵa aýystyryldy. Endi qazan aıynda ótedi. 1-15 qazan aralyǵynda qazaqstandyqtar sanaq.gov.kz saıtyndaǵy onlaın-saýalnamaǵa qatysa alady. Sonymen qatar 1-30 qazanda halyq arasynda oflaın rejımde jappaı saýalnama júrgiziledi.
Saýalnamalarǵa vaksınasııa týraly suraqtar engiziletini týraly esh jerde habarlanǵan joq. Sondaı-aq QR Densaýlyq saqtaý mınıstrligi májbúrli vaksınasııa týraly qaýesetti joqqa shyǵardy. 2020 jylǵy 7 shildedegi «Halyq densaýlyǵy jáne densaýlyq saqtaý júıesi týraly» kodekske sáıkes QR kez kelgen azamaty emdelýge jáne basqa da medısınalyq aralasýlardy, onyń ishinde profılaktıkalyq egýlerdi júrgizýge habardar etilgen kelisim berýge nemese bas tartýǵa quqyly. Budan basqa, 16 jastaǵy jáne odan asqan balalardyń profılaktıkalyq jáne konsýltasııalyq-dıagnostıkalyq kómek alýdan habardar túrde bas tartýǵa quqyǵy bar.
