«Terezede ornatylǵan qurylǵy 90 sm aýmaqtaǵy qozǵalysty sezedi. Bala terezege jaqyndaǵan saıyn ýltradybystyq datchıketer iske qosylyp, ony lezde jaýyp tastaıdy. Osylaısha balaqaılardyń ómirin saqtap qalýǵa bolady, al terezeni qaıta ashý úshin matrısalyq pernetaqtaǵa qupııa san engizý shart», deıdi joba avtorynyń biri Aıken Altaı.
Ár elde baıqalatyn qaýipsizdik máselesin arqaý etken zııatkerler jobany ınformatıka páni muǵalimi Aqzat Qaýysova jáne fızıka páni muǵalimi Mırat Ospanovtyń jeteshiligimen jasady. Olardyń aıtýynsha, «aqyldy» tereze tek kópqabatty úılerde ǵana emes, mektep jáne balabaqsha úshin de qolaıly.
«Jaz aıy bastalǵanda balalardyń terezeden qulap ketý deregi kóp tirkeledi. Bir jyldan astam ýaqyt buryn ıdeıany iske asyrý jolyn izdedik. Al «aqyldy» terezeni bir aıda jasadyq. Dál osy joba elimizde joq. Oqýshylar avtorlyq quqyqty ıelendi», dep bólisti joba jetekshileri.
О́nertapqyshtar avtomattandyrylǵan júıeli jobaǵa aldaǵy ýaqytta tolyqtyrýlar engizip, patent alýdy kózdeıdi.
