Fraksııa otyrysyna arnaıy qatysqan oblystyq partııa fılıalynyń tóraǵasy, oblys ákimi Gúlshara Ábdiqalyqova baǵdarlamanyń negizgi tustaryn atap ótip, negizgi mindetterge toqtaldy.
«Saılaýaldy úgit kezeńinde elimiz ben óńirlerdi damytýdy kózdeıtin partııanyń «О́zgerister joly: Ár azamatqa laıyqty ómir!» atty Saılaýaldy baǵdarlamasy turǵyndarǵa keńinen nasıhattaldy. Baǵdarlamada naqty oryndalý merzimderi kórsetilgen sharalar turǵyndardyń qoldaýyna ıe bolyp, saılaýda partııanyń basym daýys alýyna múmkindik berdi. Bizdiń aldymyzda partııanyń saılaýaldy ýádelerin iske asyrý mindeti tur. Oblystyq partııa fılıalynyń Saılaýaldy baǵdarlamasyn júzege asyrý Jol kartasynyń naqty ındıkatorlarynyń oryndalýy boıynsha jaýapty depýtattyq fraksııa múshelerin bekitemiz. Jol kartasynyń árbir baǵytynyń oryndalýyna bekitilgen basqarmalar jaýapty bolsa, fraksııa múshelerine Jol kartasynyń oryndalýyna baqylaý jasaý júkteledi. Bıýdjet qarajatynyń tıimdi jumsalýy qatań baqylaýda bolýy tıis. Aldaǵy fraksııa otyrystarynda atqarylǵan jumystar esebi tyńdalatyn bolady», dedi Gúlshara Ábdiqalyqova.
Jıynda Nur Otan partııasy Qyzylorda oblystyq fılıalynyń 2025 jylǵa deıingi Saılaýaldy baǵdarlamasyn júzege asyrýdyń Jol kartasy keńinen talqylanyp, Saıası keńes Bıýrosynda bekitýge usynyldy.
Aldaǵy 5 jyldy qamtyǵan Jol kartasynda barlyǵy 611 kórsetkish jáne 1776 is-shara qamtylǵan. Atalǵan sharalar arasynda jyl saıyn 1000 – ǵa jýyq otbasyn turǵyn úımen qamtamasyz etý, az qamtylǵan otbasylardan shyqqan 3,5 myń stýdentke qoǵamdyq kólikterde jol júrýge áleýmettik kómek bólý, 1 jastan 6 jasqa deıingi balalardy mektepke deıingi tárbıemen jáne oqytýmen qamtylýyn 81%-ǵa deıin arttyrý, balalardy ınklıýzıvti bilimmen qamtýdy 100%-ǵa deıin jetkizý, «Jas kásipker» jáne «Bastaý bıznes» jobasy boıynsha 3 myń jasty jyl saıyn oqytý, jastardyń jumyssyzdyǵyn 3,9%-ǵa deıin tómendetý, 9-dan astam ınvestısııalyq eksportqa baǵdarlanǵan jobalardy júzege asyrý, 5 jylda 67 myńnan astam azamatty jumyspen qamtý, jyl saıyn «Qarapaıym zattar ekonomıkasy» baǵdarlamasy aıasynda kem degende 40 kásipkerge jeńildetilgen nesıe berý, jergilikti mańyzy bar 578,9 shaqyrym joldarǵa kúrdeli jáne ortasha jóndeý jumystaryn júrgizý, 24 jańa densaýlyq saqtaý nysandary men 12 jańa mekteptiń qurylysyn júrgizý jáne aıaqtaý sekildi halyqtyń ál aýqatyn jaqsartý men óńirdi damytýǵa negizdelgen tyń bastamalar bar.
Jıyn barysynda Jol kartasynyń árbir salasy boıynsha naqty qoıylǵan ındıkatorlardyń oryndalýyna jaýapty fraksııa músheleri bekitildi.
Sondaı-aq Qyzylorda oblystyq máslıhatyndaǵy Nur Otan partııasynyń depýtattyq fraksııasy jetekshisiniń orynbasary saılanyp, fraksııanyń 2021 jylǵa arnalǵan jumys jospary bekitildi.
