Tengri Bank AQ-ny taratý komıssııasyn qurý týraly

Taratý komıssııasy on jumys kúni barysynda Ádilet mınıstrliginiń resmı baspasóz basylymdarynda bankti májbúrlep taratý týraly qazaq jáne orys tilderinde aqparat jarııalaıdy. Onda talap-aryzdardy qabyldaý tártibi men merzimi jáne mekenjaılar mindetti túrde kórsetiledi.

QDKBQ eske salady, Tengri Bank AQ-tyń salymshylary – jeke tul­ǵa­lar men dara kásipkerler, kepildik berilgen shekti somadan artyq depozıt qaldyǵyn tóleý boıynsha talaptary bolǵan jaǵdaıda, osy taratý komıssııasyna júgine alady.   

Taratý komıssııasyna ótinish berý merzimi – baspasózde Tengri Bank AQ-ty májbúrlep taratý týraly habarlama jarııalanǵan kúnnen bas­tap keminde kúntizbelik alpys kúndi quraıdy. О́tinish erkin jazbasha túrde Tengri Bank AQ taratý komıssııasy tóraıymynyń atyna (Ogaı Oksana Dmıtrıevna) jiberiledi.

Kredıtorlardyń talaptarynda:

- T.A.Á., kredıtordyń JSN-y;

- kredıtordyń poshtalyq derek­temeleri, baılanys telefondary;

- qoıylǵan talaptarynyń negizi men mólsherin rastaıtyn qujattardy qosa tirkeý arqyly, negizgi boryshtyń mólsheri týraly málimetter, syıaqy­lar, turaqsyzdyq aıyptary jáne basqa da aıyppul sanksııalary kórsetiledi.

Talap qoıý barysynda kredıtor jeke kýáligin usynady, al onyń múddelerin basqa tulǵalar bildirgen jaǵdaıda – notarıýs kýálandyrǵan senimhattyń kóshirmesi usynylady.

Kredıtorlardyń kelip túsken ótinishterin taratý komıssııasynyń qaraıtyn shekti merzimi ótinish kelip túsken kúnnen bastap eki aptany quraıdy.

Taratý komıssııasynyń fılıaldary joq qalalardaǵy Tengri Bank AQ salymshylary Qazaqstannyń Ulttyq bankiniń aýmaqtyq fılıaldary men Qarjy naryǵyn retteý jáne damytý agenttiginiń О́ńirlik ókilder basqarmalaryna kelip, ótinishteri men tıisti qujattaryn usynyp, taratý komıssııasyna qujattardy qalaı tapsyrý kerektigi týraly bastapqy aqyl-keńesti ala alady.

Depozıtterinde kepildik berilgen shekti somadan artyq aqshalary bar jáne taratý komıssııasyna ótinish bergen salymshylardyń (jeke tulǵa­lardyń) talaptary banktiń aktıvteri men múlikterin satýdan túsken aqsha esebinen tórtinshi kezekpen óte­ledi. Kredıtorlardyń talaptaryn qanaǵat­tandyrý merzimderi taratý óndirisinde banktiń aktıvteri men múlikteriniń jetkiliktiligine jáne sapasyna, son­daı-aq olardy satý nátıjesine tikeleı táýeldi.

Banktiń qaryz alýshylarynyń nazaryna: Tengri Bank AQ-taǵy taratý úderisiniń bastalýy qaryzgerlerdiń mindettemelerin toqtatpaıdy. «Tengri Bank» AQ-tyń barlyq debıtorlyq bereshek túrleri, onyń ishinde jeke jáne zańdy tulǵalarǵa berilgen qaryzdar boıynsha turaqsyzdyq aıyptary men syıaqylar esepteý toqtatylmaıdy. Barlyq qaryz alýshylar qaryz shartynda kózdelgen, qaryzdy óteý kes­tesine sáıkes Tengri Bank AQ tara­tý komıssııasy fılıaldarynyń kassa­lary nemese Tengri Bank AQ-tyń bank shotyna qolma-qol aqshasyz aýdarý arqyly qaryzdaryn óteýleri tıis.

Sonymen qatar QDKBQ taǵy da eske salady, kepildik berilgen ótemdi áli kúnge deıin almaǵan salymshylar, agent bank retinde tańdap alynǵan Eýra­zııalyq banktiń kez kelgen bólim­she­sine baryp, ótinish bere alady. Agent bank­tiń barlyq qalalardaǵy fı­lıal­dary men bólimsheleriniń mekenjaı­la­ry jáne jumys kestesi www.eubank.kz resmı saıtynda qoljetimdi.

2021 jyldyń 1 aqpanyndaǵy jaǵdaı boıynsha Tengri Bank AQ salymshylary jalpy somasy shamamen 16,8 mlrd teńge ótem aldy. Bul qordyń mindettemeleriniń jalpy somasynyń 95 paıyzyn quraıdy. Bul rette kepildi ótemdi alýǵa bar bolǵany 6,3 myń adam nemese barlyq salymshylar sanynyń 17 paıyzy ǵana ótinish bergen.

Depozıtter boıynsha kepildik­ter jáne kepildik berilgen ótem­di tóleý týraly jalpy aqparat­tar qordyń www.kdif.kz. saıtynda qoljetimdi. Salymshylar aqyl-keńes alý úshin 1460 telefon nómiri, sondaı-aq QDKBQ saıtyndaǵy chat, @kdif_ask Telegram-chaty, Qordyń Facebook jáne Instagram áleýmet­tik jelilerindegi deposit.kz resmı paraqshalary, sondaı-aq info@kdif.kz elektrondy poshtasy arqyly habar­lasa alady.