«Kún ótken saıyn serýendeıtin jerimiz qalmaı barady. Saıabaqtyń qaq ortasyna jasyl jelekti qyrqyp, ornyna jataqhana salǵaly jatyr», dep shý shyǵardy. Olardyń pirkinshe, basqa jer jetpeı qalǵandaı saıabaqqa stýdentter úıin salý esh qısynǵa kelmeıdi.
Jaýaptylar saıabaqtyń ornyna stýdentter úıiniń boı kóteretinin rastady. Turǵyndardyń aıtýynsha, onsyzda park ishine áskerı kafedralaryn kóshirip ákelgen Abaı atyndaǵy UPÝ jataqhana salsa, serýendeıtin jerimiz qalmaıdy dep ýájderin aıtty. Oǵan qosa saıabaq qoqysqa tolyp ketpesine kim kepil? dep senimsizdikterin bildirdi.
Búginde joǵary oqý ornyna tıesili mekemeniń jobalyq qujaty da daıyn eken. Onda 327 orynǵa arnalǵan 6 qabatty jataqhana salynbaq.
Al ýnıversıtet basshylyǵynyń aıtýynsha, saıabaq menshigi oqý ordasyna tıesili bolǵandyqtan, jataqhana salý týraly 2018 jyly sheshilip qoıǵan. Qurylys barysyna ınvestorda tabylǵan-dy. Oqý ornynyń prorektory Ǵabıt Dýlatov 1 naýryzda bul másele turǵyndar talqysyna salynatynyn, sheshimin tappaı jatqan jaǵdaıda ákimdikten basqa aýmaq suraıtynyn jetkizdi.
