Shyǵanaq Bersıev – dańqty dıqan, tarydan mol ónim alyp dúnıe júzinde teńdesi joq rekord jasaǵan adam. Ol 1881 jyly qazirgi Oıyl aýdanynyń Ashy Oıyl aýylynda dúnıege kelgen. Eńbekpen kózin ashqan dıqanshy ashtyq, baılardy tárkileý jyldary qaraqalpaq jerine, Túrkimenstanǵa kóship baryp, artynsha elge oralǵan. Dıqanshylyqpen 1924 jyldan bastap aınalysa bastaıdy. Osy jyly Oıyl aýdanyndaǵy Qarasý aýylynyń adamdaryn uıymdastyryp, Ashy Oıyl ózenin qoldan bógep tary egýdi bastaıdy. Tary zvenosyn quryp, sýarmaly eginshilikti uıymdastyrǵanda tuqymdy qoldan suryptaıdy.
1938 jyly agrotehnıkalyq is-sharalardy tıimdi paıdalaný, tuqymdy qoldan suryptaý arqyly 3,2 gektar egistiktiń ár gektarynan 25,6 sentnerden, 1940 jyly 325 gektar sýarmaly egistiktiń ár gektarynan 125 sentnerden aq tary alady. Buryn-sońdy bolmaǵan rekord jasaǵan qarapaıym qazaq dıqanynyń ataǵy sol jyldary Odaqqa, shetelge jaıyldy. 1940 jyly ataqty dıqan Lenın ordenimen marapattalady.
Soǵys bastalǵanda Shyǵanaqtyń tarysy vagondarǵa tıelip, maıdan shebine jóneltile bastaıdy. Sol jyldyń qara kúzinde óziniń jeke qorynan alǵy sheptegi jaýyngerlerge 350 put astyq jóneltken, qorshaýdaǵy Lenıngrad turǵyndaryna da azyq-túlik jetkizedi. 1944 jyly qatty naýqastanyp, Qarataldaǵy úıinde qaıtys bolǵan.
Aqtóbelikter teńdesi joq rekordpen ataǵy shyqqan qarapaıym dıqannyń esimin oblystaǵy birden-bir aýyl sharýashylyǵy mamandaryn daıarlaıtyn oqý ornyna berilýin maquldap otyr. О́ıtkeni, bul oqý ornynyń mártebesin arttyrady, ozat stýdentterge Shyǵanaq Bersıev atyndaǵy stıpendııa taǵaıyndaýǵa da múmkindik beredi,
Qazirgi ýaqytta Aqtóbe qalasynda aq tarynyń atasynyń músini tur, Oıyl aýdandyq murajaıyna Shyǵanaq Bersıev esimi berilgen. Al, elimiz Táýelsizdiginiń 30 jyldyǵy qarsańynda Shyǵanaq esimin jańǵyrtý – aýylsharýashylyq kolledji stýdentteriniń óz mamandyǵyna degen ynta-yqylasyn, qurmetin arttyrady deıdi kolledj oqytýshylary.
