Batys Qazaqstan oblystyq Polısııa departamentiniń habarlaýynsha, aqpannyń 22-si kúni 15.00. saǵat shamasynda Toıota Karolla jáne Lada Prıora markaly eki avtokólik betpe-bet soǵylyp, alty adam sol jerde qaza tapqan. Jaraqat alǵan bir adam Taıpaq aýylyndaǵy aýrýhanaǵa jetkizildi. Jol apatynyń sebepteri tekserilýde.
Oblystyq Tótenshe jaǵdaılar depaartamenti baspasóz qyzmeti qaza tapqandar – eki kóliktiń júrgizýshileri men «Lada Prıora» avtokóliginiń 4 jolaýshysy ekenin habarlady. Al «Toıota Korolla» avtokóliginiń jolaýshysy túrli jaraqattarmen aýrýhanaǵa jetkizildi. Marqumdardyń denesin myjylǵan avtokólik ishinen qutqarýshylar arnaıy quraldardyń kómegimen alyp shyqqan.
«Osy oqıǵa boıynsha sotqa deıingi tergeý jumystary bastaldy, qylmystyq is aıasynda transporttyq jáne trassologııalyq saraptama jasalyp, tıisti sheshim shyǵarylady» deıdi oblystyq polısı departamentiniń ókili Bolatbek Belgibekov.,
Jyl basynan beri Batys Qazaqstan oblysynda 29 jol apaty bolyp, 14 adam qaza tapqan, 61 adam jaraqat alǵan.
