Astana qalasynyń qylmystyq ister jónindegi mamandandyrylǵan aýdanaralyq soty «Qazaqstan ǵarysh sapary» ulttyq kompanııasy AQ-tyń burynǵy prezıdenti Gavyllatyp Myrzaqulovqa qatysty qylmystyq is boıynsha basty sot talqylaýynyń ótetin kúnin belgiledi. Sot otyrysy 2013 jylǵy 28 jeltoqsanda saǵ.10.00-ge taǵaıyndaldy.
Astana qalasynyń qylmystyq ister jónindegi mamandandyrylǵan aýdanaralyq soty «Qazaqstan ǵarysh sapary» ulttyq kompanııasy AQ-tyń burynǵy prezıdenti Gavyllatyp Myrzaqulovqa qatysty qylmystyq is boıynsha basty sot talqylaýynyń ótetin kúnin belgiledi. Sot otyrysy 2013 jylǵy 28 jeltoqsanda saǵ.10.00-ge taǵaıyndaldy.
G.Myrzaqulov Qazaqstan Respýblıkasy Qylmystyq kodeksiniń 311-babynyń 5-bóligi (Memlekettik qyzmetter atqarýǵa ýákiletti adamnyń asa iri mólsherde para alýy) boıynsha aıyptalady. Osy bap boıynsha jazalanýshynyń múlki tárkilenip, 10 jyldan 15 jylǵa deıingi merzimge bas bostandyǵynan aıyrý jazasyn kózdeıdi. Budan basqa, Myrzaqulovqa 193-baptyń 3-bóliginiń «v» tarmaǵy boıynsha aıyp taǵyldy – «Iri mólsherde alynǵan aqsha qarajatyn nemese ózge múlikti zańdastyrý». Mundaı áreketter úshin Qylmystyq kodekste múlkin tárkileı otyryp, jeti jylǵa deıingi merzimge bas bostandyǵynan aıyrý jazasy kózdelgen.
Taǵy bir sottalýshy Erbol Asylbekov Qylmystyq kodekstiń 313-babynyń 1-bóligi (Paraqorlyqqa deldal bolý) boıynsha aıyptalýda. Osy bap eki jylǵa deıin bas bostandyǵynan aıyrý jazasyn kózdeıdi.
Aldyn ala tyńdaý barysynda sottalýshy Myrzaqulovtyń advokaty sotqa buqaralyq aqparat quraldarynyń qatysýynsyz jabyq sot otyrysyn ótkizý týraly ótinish bergen.
Qylmystyq kodekstiń 29-babyna sáıkes sot prosesi ashyq túrde ótkizilýi tıis bolǵandyqtan, sot atalmysh ótinishti keri qaıtardy.
«Egemen-aqparat».
