Aqtóbe munaı-gaz kolledjin bitirgen soń birden týǵan aýylyna oralyp, kásipkerlikpen aınalysýdy jón kóredi. Badamsha eldi mekeninde úı jıhazdaryn jýyp-tazalaıtyn seh ashqysy kelgen jas ótken jyldyń kókteminde kásipkerlik negizderine úıretetin kýrsta oqyp, bıznes-jobasyn daıarlaıdy. Tynymsyz izdenisi arqyly 550 myń teńge qaıtarymsyz grantqa qol jetkizgen soń osy qarjyǵa birden jıhaz tazalaıtyn jabdyqtar satyp aldy. Bastapqyda Baýyrjanǵa ata-anasy, týystary qolushyn berip, sharýasynyń júrip ketýine jan-jaqty qoldaý kórsetti.
О́tken jyldyń kókteminen bastalǵan karantındik shekteýler men lokdaýn kezinde jumysyn kibirtiktep bastaǵan jas kásipker osy kezge deıin jumysyn birqalypty júrgizdi. Qazir onyń Badamshadaǵy shaǵyn sehynda 3 adam eńbek etedi. О́zi bos ýaqytynda kólik jóndeýmen de aınalysady.
Elge kelgen indet keselin tıgizbese, aýylda qyzmet kórsetý oryndaryn ashý turaqty tabys ákeletin jumys. Aldaǵy ýaqytta kásipkerlik aıasyn keńeıtip, Badamshada kólik jýatyn oryn ashýdy da josparyna engizgen Baýyrjan Nurmaǵanbetov memleketten qaıtarymsyz grant túrinde alǵan árbir teńge maqsatty túrde jumsalýy tıis ekenin jetkizdi. «Kásipkerliktiń bastaýynda árdaıym tártip pen jaýapkershilik turady. Qarjy maqsatty túrde jumsalsa ǵana biraz ýaqyttan soń eselenip qaıtady. Sonda ǵana jańa jumys orny ashylyp, bastapqy qarajat memleketke salyq túrinde qaıtyp oralady. Ol úshin jastar erinbeı eńbek etýi tıis». Aýyl jastary kez kelgen sharýany qolǵa alyp, paıdaly ispen shuǵyldanýy tıis degen ustanymyn jetkizgen jas kásipker qalaýyn tapqan adamǵa aýylda da jumys jetkilikti degen pikirde.
Aqtóbe oblysy
