Qazaqstanda 2015 jyldan bastap ıpotekalyq qaryzdardy qaıta qarjylandyrý boıynsha memlekettik baǵdarlama jumys isteıdi, ony ázirleýge ForteBank te belsene qatysty.
«Forte memlekettiń baǵdarlamasy aıasynda 65 mıllıard teńgeden astam somany quraıtyn 9 myń adamnyń qaryzyn qaıta qarjylandyrdy, – deıdi ForteBank Basqarmasynyń tóraǵasy Gýram Andronıkashvılı. - Tek 2020 jyldyń ózinde 4,7 mıllıard teńge somany quraıtyn 534 qaryz qaıta qarjylandyryldy. Birjaqty tártippen 30,2 mıllıard teńge somasyna 2,5 myń qaryz boıynsha aıyrbastaý júrgizildi. Baǵdarlama sheńberinde qaryz alýshylarǵa qosymsha kómek kórsetiledi ( HÁOT boıynsha keshirý), osylaısha byltyr boryshtyq júkteme 500 qaryz boıynsha 4 mıllıard teńge somasyna tómendetildi».
Problemalyq qaryzdardyń basym bóligi bankke Temirbank pen Alıans bankten «muraǵa» qalǵan.
Elorda turǵyny Anar Mahambet 2009 jyly Alıans bankten turǵyn úı satyp alý úshin jyldyq 9 paıyzben 13 mıllıon teńgege qaryz alǵan. Otbasy aı saıyn shamamen 130 000 teńge tóleıdi. Biraq daǵdarys bastalyp, jumys problemalary paıda bolady jáne keshiktirýlerge jol beredi.
«2015 jyly bank menedjeri bizge qońyraý shalyp, memlekettik baǵdarlamaǵa qatysýdy usyndy, bizge nesıe qyzmetin jyldyq 3 paıyzǵa deıin qysqartty», - deıdi Anar.
Mahambet Anar
Nur-Sultan qalasy
«Valıýtalyq baǵdarlamanyń sharttary boıynsha qaıta qarjylandyrylatyn qaryz boıynsha syıaqy mólsherlemesi jyldyq 12 paıyzdy quraıtynyna qaramastan, ForteBank 0,1-3 paıyz aralyǵynda syıaqy mólsherlemesi boıynsha qaıta qarjylandyrady. Nesıeni óteýde qıyndyqtar týyndaǵan jaǵdaıda, kez kelgen deldaldardan ótpeı, tikeleı bankke habarlasýdy usynamyz», – deıdi QR Qarjy naryǵyn retteý jáne damytý agenttiginiń Qarjy qyzmetterin tutynýshylardyń quqyqtaryn qorǵaý departamentiniń dırektory Aleksandr Terentev.
2016 jyly Nur-sultan qalasynan kelgen Nasken Sádýaqasovanyń ápkesi qaıtys bolady, ol 2007 jyly 30 mıllıon teńgege ıpotekalyq nesıe alyp, ony únemi tólep otyrady. Alaıda, ol qaıtys bolǵannan keıin mindettemeler tikeleı Naskenge ótedi, biraq bank qaıta qarjylandyryp, nesıe sharttaryn jeńildetti.
Nasken Sádýaqasova
Nur-Sultan qalasy
Taǵy bir qaıǵyly oqıǵa zeınetker Dámejan Shýrmanovanyń basynan ótken. Onyń uly 2016 jyly qaıtys bolyp, ıpotekalyq nesıe boıynsha mindettemeleri zeınetkerge ótedi. Biraq 70 myń teńgelik zeınetaqy tipti eń tómengi aı saıynǵy tólemge de jetpedi. Qýanyshqa qaraı, bank nesıeni tolyq esepten shyǵarý týraly sheshim qabyldaǵan.
Dámejan Shýrmanova
Nur-Sultan qalasy
«ForteBank-tiń negizgi maqsaty - qıyn qarjylyq jaǵdaıdaǵy qaryz alýshylarǵa kómek kórsetý, sondaı-aq klıentke óz qaryzyn qolaıly sharttarda óteýge múmkindik berý bolyp tabylady», - dep atap ótti ForteBank Basqarma tóraǵasynyń orynbasary Aıdyn Áýezqanov.
ForteBank problemalyq nesıeler máselesin sheshýge qalaı kómekteskeni týraly tolyǵyraq myna jerden oqyńyz:
«Aıyrbastalǵan qaryzdar boıynsha qaryz alýshylar bankke 2021 jylǵy 15 naýryzǵa deıin jeńildikti sharttarmen qaryzdy qaıta qarjylandyrý týraly ótinishpen júginýi qajet, – dep atap ótti Áýezqanov. – Qosymsha kómek kórsetý sheńberinde (HÁOT boıynsha bereshekti keshirý-kóp balaly otbasylar, 1 jáne 2-toptaǵy múgedekter, múgedek balalardy tárbıelep otyrǵan otbasylar, UOS múgedekteri, sondaı-aq olarǵa teńestirilgen adamdar) qaryz alýshylar 2021 jylǵy 1 maýsymǵa deıin ótinish jasaýǵa quqyly. Bereshekti keshirýge qatysty túpkilikti sheshimdi bank qabyldaıdy».
Qazaqstandyq qarjy qyzmetteri naryǵynda sizdiń qaryzyńyzdy arttyryp qana qoımaı, múlikten múldem aıyratyn alaıaqtyq uıymdar az emes. Sondyqtan ForteBank sizdiń qarjylyq sharttaryńyz ózgergen jáne burynǵy mindettemeler boıynsha tóleý múmkin bolmaǵan jaǵdaıda tikeleı bankke qaıta qarjylandyrý máselesimen júginýdi usynady.
