«61 myń adamdy evakýasııalaýǵa 1 713 lokomotıv, 1 603 vagon daıyndaldy. Sondaı-aq arnaıy tehnıkasy bar 84 qalpyna keltirý jáne órt sóndirý poıyzy daıyn. Qazirgi ýaqytta 2 975 tekshe metr kesek tas jáne 8 250 dana standartty emes temirbeton shpaldary daıyndalǵan. Tehnıkanyń jáne materıaldardyń daıyndyǵy – 100 paıyz», dedi mınıstr.
Mınıstr «2021-2023 jyldarǵa arnalǵan sý tasqyndarynyń aldyn alý jáne joıý boıynsha is-sharalar kesheni» jol kartasy aıasynda mınıstrlikte taǵy 1 is-shara qarastyrylǵanyn aıtty.
«Ol Qaraǵandy oblysynda Kókpekti-Qaraǵaıly ýchaskesinde Qarasor kólin aınalyp ótetin temir jolyn salýǵa qatysty. Qazirgi tańda Mınıstrlik atalǵan jobany iske asyrý máselesin pysyqtap jatyr. Jalpy sý tasqyny kezeńine daıyndyq jumystary mınıstrliktiń arnaıy baqylaýynda tur», dedi Beıbit Atamqulov.
