Ishki ister mınıstri Erlan Turǵymbaev Aqtóbe oblysyna jumys sapary aıasynda oblystyq polısııa departamentiniń birqatar nysanyn aralady. Olardyń qatarynda Aqtóbe qalasynyń ortalyǵynda ornalasqan modýldik stasıonarlyq beket bar. Bekette polıseılerdiń jumys isteýine jáne azamattardy táýlik boıy qabyldaýyna barlyq jaǵdaı jasalǵan. Mınıstr jergilikti atqarýshy organdardyń halyqtyń qaýipsizdigi men tynyshtyǵyn qamtamasyz etýge baǵyttalǵan jumysyn joǵary baǵalady.
Damyǵan elderdiń tájirıbesi boıynsha qazirgi zamanǵy stasıonarlyq polısııa beketteri neǵurlym krımınogendi ýchaskelerde ornatylyp jatyr. Aqtóbede bes beket bar.
«El Prezıdenti Qasym-Jomart Toqaev servıstik modeldiń negizgi elementi «halyqqa jaqyn polısııa» bolýy tıis dep aıtty. Osy qaǵıdatty iske asyra otyryp, biz polısııa qyzmetkeriniń qoǵamdyq oryndarda júrýine qol jetkizdik. Azamattar ózderin qaýipsiz sezinýine, qajet kezde polısııaǵa júginýine bar jaǵdaı jasaldy. Búgin biz oń nátıjeni kórip otyrmyz. Stasıonarlyq beketter ornatylǵan jerlerde quqyq buzýshylyqtar sany aıtarlyqtaı azaıdy», dep atap ótti vedomstvo basshysy.
2020 jyly oblys aýmaǵynda qylmys 37% tómendedi. Mınıstr jergilikti polısııa qyzmetin reformalaý máselesinde ýchaskelik ınspektorǵa negizgi ról beriletinin atap ótti. Osyǵan baılanysty Erlan Turǵymbaev polısııa qyzmetkeri otbasymen birge turatyn ýchaskelik pýnktpen biriktirilgen úıge bardy.
Mınıstr ýchaskelik polısııa ınspektorynyń únemi ákimshilik ýchaskede bolýy mańyzdy ekenin jáne óńirde quqyq buzýshylyqtyń aldyn alýdy qamtamasyz etý úshin olardyń shtatyn ishki rezervter esebinen tolyq jasaqtaý qajet ekenin atap ótti.
«Ákimdiktermen birlesip, ýchaskelik ınspektorlarǵa tıisti jaǵdaı jasap, ýchaskelik pýnktter jelisin keńeıte otyryp, biz azamattarymyzdyń qaýipsizdik deńgeıin arttyramyz. Mundaı jumysty biz barlyq óńirlerde júrgizetin bolamyz», dedi Ishki ister mınıstri.
Quqyqtyq tártipti qamtamasyz etýde eriktiler polısııa qyzmetkerlerine kómek kórsetip keledi. Oblys boıynsha ishki ister organdary ótkizetin barlyq aldyn alý is-sharalaryna 300-den astam erikti qatysady.
Mınıstr eriktilermen kezdesip, olarǵa karantın rejımin jáne qoǵamdyq tártipti qorǵaýdy qamtamasyz etýge kómekteskeni úshin alǵys aıtty. Keıin jeke qurammen kezdesip, oblystyq polısııa departamenti qyzmetkerleriniń aldyna óńirdegi qaýipsizdik deńgeıin arttyrý jáne halyqpen jumysty jalǵastyrý, olardyń máselelerin dereý sheshý mindetterin qoıdy.
