Jedel-izdestirý is-sharalary kezinde esirtkilik zattar Petropavl qalasynda kontakt jasaý jolymen satylǵany anyqtaldy. Al ony daıyndaıtyn úı qaladan 120 shaqyrym jerdegi Jambyl aýdanyndaǵy aýyldardyń birinde ornalasqan eken. Munda sıntetıkalyq esirtkini jasaýǵa qajetti barlyq jaǵdaı jasalǵan. Bólme jeldetkishpen jabdyqtalǵan, kolba, ólsheýish ydystar, qorǵanys kostıýmderi men respıratorlar jumysqa daıyn turǵan. Osy krımınaldyq bıznespen birge turatyn erkek pen áıel, sondaı-aq olardyń jaqyn týystary aınalysqan.
Ustaý jáne tintý kezinde polıseıler shaǵyn dozalarǵa bólinip salynǵan jáne satýǵa daıyndalǵan salmaǵy shamamen 55 gramm sıntetıkalyq esirtkini tapty. Qaptaýǵa arnalǵan materıal, uıaly telefondar, dárihanalyq tarazy, jazbalary bar dápter jáne taǵy basqa zattar tárkilendi. Sondaı-aq salmaǵy shamamen 700 gramm sıntetıkalyq esirtkige uqsas untaq tárizdes zat alyndy. Alynǵan zattar sot-hımııalyq saraptamaǵa jiberildi.
Qazirgi ýaqytta atalǵan fakti Sotqa deıingi tergep-tekserýdiń biryńǵaı tizilimine QK 297-baby boıynsha engizildi. Eki er adam men eki áıel ustalyp, qamaýǵa alyndy. Tergeý júrgizilýde.
Jyl basynan SQO-da 17 kg astam esirtkilik zat tárkilendi. 31 esirtki buzýshylyǵy anyqtaldy. Esirtki aınalymyna qatysqan 42 adam ustaldy.
