Qoǵam • 24 Aqpan, 2021

Nur-Sultanda qar kúreý jumysyna 1 200-den astam arnaıy tehnıka jumyldyryldy

140 ret
kórsetildi
1 mın
oqý úshin

О́tken táýlikte elordadan 38 myń tekshe metr qar shyǵaryldy. Qalada qar kúreý jumysy keshki jáne túngi ýaqytta qarqyndy júrgizilýde, dep habarlaıdy Egemen.kz elorda ákimdiginiń resmı saıtyna silteme jasap.

Nur-Sultanda qar kúreý jumysyna 1 200-den astam arnaıy tehnıka jumyldyryldy

23 aqpannan 24-ine qaraǵan túni qala joldaryn, trotýarlaryn, alańdary men basqa da qoǵamdyq aýmaqtaryn sanıtarlyq tazalaýǵa 700-den astam arnaıy tehnıka men 100-den asa jol jumysshy jumyldyryldy.

Búgin, ıaǵnı 24 aqpanda qar kúreýge 2000-ǵa jýyq jol jumysshy men 1 200-den asa arnaıy tehnıka shyqty.

Aıta keteıik, birinshi kezekte, ereje boıynsha, joldarda keptelis bolmas úshin qozǵalysy óte qarqyndy ýchaskeler kúreledi. Odan ári – ortasha qarqyndy ýchaskeler – alańdar, vokzal mańyndaǵy aýmaqtar, trotýarlar jáne t.b. oryndar.

Kúrelgen qar elordada ornalasqan 11 polıgonǵa shyǵarylady. Qalada qar kúreý 24/7 rejıminde júrgiziledi. Polıgondarda baqylaý úshin foto jáne beınekameralar ornatylǵan.

Sońǵy jańalyqtar

Syr óńirinde shıbóri nege kóbeıdi?

Aımaqtar • Búgin, 16:38