Barlyq kitaphanalar «otbasylyq kitaphana» konsepsııasymen damıdy. Qazirgi tańda, kitaphanalar keshki saǵat 18-00-ge deıin jumys istese, 1 naýryzdan bastap Abaı kitaphanasy pılottyq rejımde oqyrmandarǵa 23:00-ge deıin qyzmet kórsetedi.
Qala ákimi Murat Áıtenov jyldyq esebinde qaladaǵy kitaphanalar men mádenıet mekemelerine qatysty tyń jańalyqtarmen bólisti.
– Qalanyń mádenı-rýhanı ómirinde oń ózgerister bar. Bul salaǵa jańa mamandar kelip, joǵary talaptar qoıylyp otyr. Halyqtyń mádenı ómirin baıytýǵa qajet óner ujymdary tolyqtaı memleketten sýbsıdııalanady. Mádenıet mekemeleriniń jyldyq bıýdjetiniń 98 paıyzyn memleket berse, tek 2 paıyzyn mekemeler taýyp otyr. Bıyl mádenıet mekemelerine 30 paıyzǵa deıin qarjy tabý júkteldi. Halyqty qyzyqtyratyn jaqsy qoıylymdar qoıyp, mádenı baǵdarlamalar ázirlese, halyq barmaıdy emes, barady. Mádenıet salasy naryqqa jumys isteıtin kez keldi, – dedi qala ákimi.
Sonymen qatar, shahar basshysy ótken jyly Shymkent TMD elderiniń mádenı astanasy bolsa, bıyl Shymkent qalasynyń 2200 jyldyǵy tóńireginde IýNESKO kóleminde birqatar mádenı-rýhanı is-sharalar josparlanǵanyn málimdedi.
