Aımaqtar • 24 Aqpan, 2021

Servıstik ákimdik aýyldarǵa da jetti

32 ret kórsetildi

Alǵa aýdany Bestamaq aýyldyq okrýginde «Servıstik ákimdiktiń» ashylýy ótti. Sharaǵa oblys ákiminiń birinshi orynbasary Nurjaýǵan Qalaýov, aýdan basshysy Mamyrǵalı Aqqaǵazov, oblystyq Sybaılas jemqorlyqqa qarsy qyzmet basshysy Baýyrjan Balǵabekov pen «Aqtóbe-adaldyq alańy» jobalyq keńsesi janyndaǵy qoǵam belsendileri qatysty, dep habarlaıdy Egemen.kz.

Alǵa aýdanynyń Bestamaq aýyldyq okrýginde 4 myńnan astam azamat turady. Budan bylaı atalǵan servıstik ákimdik jergilikti bıliktiń ashyqtyǵyn, jarııalylyǵyn jáne tutynýshyǵa baǵdarlanýyn qamtamasyz etetin bolady.   Osylaısha aýyldyq jerde «Halyq únine qulaq asatyn memleket» tujyrymdamasy júzege asyrylýda.

Servıstik ákimdikte birqatar suranysqa ıe memlekettik qyzmetter kórsetiledi: «Jer ýchaskesin alý úshin kezekke qoıý», «Jer ýchaskesin jeke menshikke  aqysyn birden tólep ne bólip tóleý arqyly satý», «Saýda-sattyq ótkizýdi talap etpeıtin memleket menshigindegi jer ýchaskelerine quqyqtar alý» jáne de birqatar áleýmettik, bilim berý salasyndaǵy qyzmetter de bar.

Sonymen qatar, azamattarǵa qolaıly ahýal qalyptastyrý maqsatynda aqparattyq stendter, balalarǵa arnalǵan oıyn alańy uıymdastyrylyp, memlekettik qyzmetterdi óz betinshe alýǵa arnalǵan «connection point» ózine-ózi qyzmet kórsetý buryshy jumys isteýde.

Al azamattardyń aryz-shaǵymdaryna jedel áreket etý maqsatynda ǵımaratta ýchaskelik polısııa ınspektoryna arnalǵan bólme qarastyrylǵan.

Jemqorlyqqa qarsy departament basshysynyń birinshi orynbasary Ǵalymbek Dosanovtyń aıtýy boıynsha Bestamaq ákimdigi - oblysymyzda aýyldyq okrýg deńgeıinde ashylǵan úshinshi servıstik ákimdik bolyp tabylady.

«Oblystaǵy barlyq aýdan ortalyqtary men Aqtóbe qalasynda búgingi kúni «Servıstik ákimdikter» ashylyp, tolyqqandy jumys jasaýda. Azamattarǵa qolaıly jaǵdaı qalyptastyrý baǵytynda oblys ákimdigimen birlesip, barlyq iri aýyldyq okrýgterde servıstik ákimdikterdi ashý jumystaryn odan ári jalǵastyramyz», - dep atap ótti basshynyń birinshi orynbasary.

Oblys ortalyǵynan kelgen delegasııa kovorkıng ortalyǵy janyndaǵy «Parasat joly» jobasynyń ashylýyna da qatysty. Atalǵan ortalyq aýdandyq zııaly qaýym ókilderin biriktirip, turǵyndar arasynda sybaılas jemqorlyqqa qarsy mádenıet qalyptastyrý baǵytynda jumys júrgizetin bolady.

 

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar