Aımaqtar • 24 Aqpan, 2021

Shymkent ákimi turǵyndardyń shaǵymyna jaýap berdi

16 ret kórsetildi

Shymkent qalasynyń ákimi Murat Áıtenov turǵyndardy kezekti ret onlaın rejımde qabyldady. Jalpy qabyldaýǵa 13 turǵyn jazylǵan. Bul joly jer daýy, áleýmettik kómek, turǵyn úı, ınfraqurylymdy damytý, abattandyrý máseleleri qozǵaldy.

Qarataý aýdany Nursát shaǵynaýdanynyń turǵyny Aqsulý Esekenova úıiniń janyndaǵy zańsyz qurylys týraly shaǵymyn aıtty. №49/1 mekenjaıda ornalasqan «Dublin» kafesiniń jazdyq bastyrmasy boıynsha zań talaptaryna sáıkes quzyrly mekemelerge suranys hattar joldanǵan. Suranys nátıjeleri tolyq jınaqtalyp, basqarma tarapynan Zań talaptaryna sáıkes tıisti jumystar atqarylady.
Shahar basshysy azamatsha Esekenovanyń ýájderi boıynsha taldaý júrgizilip, zań aıasynda tıisti sharalar qoldanýdy Ǵalymjan Ámirbekulyna tapsyrdy.

Abaı aýdanynyń turǵyny Aıjanqyz Ospanbekova qarjylaı kómek jáne balasyna konkýrspen grant bólý máselesin alǵa tartty. A.Ospanbekova «Eńbek» memlekettik baǵdarlamasy aıasynda bıyl 5 qańtarda Abaı aýdany ákimdigine qoǵamdyq jumysqa joldanyp, jumysqa ornalasty. Zańǵa sáıkes, «Eńbek» baǵdarlamasy boıynsha bir mezette jumyspen qamtýdyń eki birdeı belsendi sharasyna qatysa almaıtyndyqtan, azamatsha A.Ospanbekova grant ala almaıdy.

Qala ákimi azamatsha A.Ospanbekovanyń kótergen máselelerin zań aıasynda, demeýshilerdi tartý arqyly sheshýdi qarastyrý qajet ekenin málimdedi.

7589

Eńbekshi aýdanynyń turǵyny Baljan Báıteshova balasynyń densaýlyǵy jóninde máselesin kóterdi. Báıteshovanyń balasyna búginde Shymkent qalasyndaǵy densaýlyq saqtaý uıymdarynda tıisti medısınalyq kómek kórsetilýde.
Qala ákimi azamat Q.Nııazǵuldyń densaýlyǵyn jeke baqylaýǵa alyp, Baljan Aımaǵanbetqyzymen turaqty baılanysta bolýdy Baqytjan Joldasbekulyna mindettedi.

Sonymen qatar, búgingi qabyldaýda atqarylǵan jumys nátıjesi boıynsha turǵyndar qala ákimine arnaıy rızashylyǵyn bildirdi. О́tken jyly Murat Dúısenbekuly Qarataý aýdany Nurtas shaǵynaýdanyna baryp, joldy asfalttaý máselesi boıynsha turǵyndarmen kezdesken bolatyn. Aıtylǵan másele boıynsha tıisti sheshim qabyldanyp, 1300 metr kóshege asfalt tóseldi. Mine, osy másele boıynsha búgingi qabyldaýda qala turǵyny Aǵabek Qazanbaı turǵyndardyń rızashylyǵyn jetkizdi.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar