Aımaqtar • 24 Aqpan, 2021

Almaty oblysynda zańsyz balyq aýlaǵan eki adam ustaldy

73 ret kórsetildi

Almaty oblysynda zańsyz balyq aýlaǵan eki turǵyn ustaldy, dep habarlaıdy Egemen.kz Polisia.kz saıtyna silteme jasap.

Uıǵyr aýdany jergilikti polısııa qyzmetiniń ókilderi tabıǵatty qorǵaý zańnamasy talaptarynyń saqtalýyn qadaǵalaý boıynsha júrgizgen arnaıy shara barysynda Ile ózeninde zańsyz balyq aýlap júrgen eki adamdy ustady. Úrmeli qaıyqqa mingen brakonerlerden 66 keli balyq tárkilendi.

Tekserý barysynda balyq aýlaýshylardyń zańmen tyıym salynǵan aýdy paıdalanǵany áshkerelengen. Olardyń qaıyǵynan aq amýr, dóńmańdaı, aq marqa, taban balyqtary tabylyp, tárkilendi. Qazirgi tańda tabıǵat qorǵaýshylar memleketke keltirilgen materıaldyq shyǵyndy esepteýde.

– Atalǵan derek boıynsha QR Qylmystyq kodeksiniń 335-babynyń 3-bóligimen (Balyq resýrstaryn, basqa da sý janýarlaryn nemese ósimdikterin zańsyz alý) qylmystyq is qozǵaldy. Úrmeli qaıyq, plastıkalyq aý men balyqtar tárkilendi. Ketpen aýylynyń eki turǵyny mekenjaıyn ózgertpeý týraly mindettememen bosatyldy. Tergeý qupııalyǵyna baılanysty ózge aqparat taratylmaıdy, – dedi Uıǵyr aýdanynyń PB tabıǵatty qorǵaý polısııasy tobynyń ınspektory Saıat Darkenbaev.

Aldyn ala tergeý barysynda ustalǵan adamnyń biri – О́zbekstan Respýblıkasynyń 1989 jyly týǵan azamaty ekeni belgili boldy. Sotqa deıingi tergeý barysynda tártip  saqshylary onyń elimizge qashan jáne ne sebeppen kelgenin, qujattarynyń zańǵa sáıkestigin muqııat tekseretin bolady.

– Tabıǵat qorǵaý sharalary barysynda jyl basynan beri aýdanda 23 quqyq buzýshylyqty anyqtadym. Onyń 21 deregi boıynsha ákimshilik hattama toltyrylyp, aıyppuldar salyndy. Eki derek boıynsha qylmystyq zańnamaǵa sáıkes tergeý júrdi. Aýdan turǵyndary men qonaqtaryn qoldanystaǵy zań talaptaryn qatań saqtaýǵa, tabıǵatty aıalaýǵa shaqyramyn, – dep tolyqtyrdy Saıat Darkenbaev.

Sońǵy jańalyqtar

«Ertis ormany» rezervatynda órt shyqty

Aımaqtar • Búgin, 21:30

Tarıhı jeńiske qol jetkizdi

Tennıs • Búgin, 20:12

Nar tulǵa

Rýhanııat • Búgin, 20:10

Ekpe saldyrý ózekti

Medısına • Búgin, 20:07

Sheteldik basylymnan

Álem • Búgin, 20:02

Arýlarymyz alty júlde aldy

Sport • Búgin, 19:55

Qazaqstanǵa agrobank qajet pe?

Qazaqstan • Búgin, 19:51

Aıtyldy-oryndaldy: Jeti JOO jabyldy

Prezıdent • Búgin, 18:31

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

Uqsas jańalyqtar