Qoǵam • 24 Aqpan, 2021

Azamattar zeınetaqy qarjysyn jeke kompanııalarǵa bere bastady

169 ret kórsetildi

Biryńǵaı jınaqtaýshy zeınetaqy qoryna azamattardan zeınetaqy portfelin basqarýshyǵa aýdarýǵa baılanysty 87 ótinish kelip túsken. Aýdarymnyń jalpy somasy 218,6 mln teńgeden asady eken, dep habarlaıdy Egemen.kz.

«Salymshynyń zeınetaqy jınaqtary IPB basqarýyna: salymshynyń BJZQ-daǵy naqty zeınetaqy jınaqtarynyń somasy men zeınetaqy jınaqtarynyń eń tómen jetkiliktilik shegi arasyndaǵy aıyrmadan aspaıtyn mólsherde; nemese ómir boıǵy tólemderdi kózdeıtin saqtandyrý uıymymen zeınetaqy annýıteti sharty jasalǵan jaǵdaıda, salymshynyń BJZQ-daǵy shotyndaǵy zeınetaqy jınaqtarynyń qaldyǵynan aspaıtyn mólsherde berilýi múmkin» delingen qor habarlamasynda.

Zeınetaqy jınaqtaryn aýdarý úshin salymshy BJZQ-ǵa ótinish jasaýy qajet, ony enpf.kz saıtyndaǵy jeke kabınet arqyly nemese BJZQ-nyń kez-kelgen óńirlik bólimshesine baryp berýine bolady. 

Qazirgi ýaqytta BJZQ zeınetaqy aktıvterin senimgerlikpen basqarý týraly úsh IPB-men shart jasalǵan. Olar týraly aqparattarmen tanysyp, ınvestısııalyq deklarasııalardan habardar bolý úshin qor saıtyndaǵy  «Qyzmetter» - «Zeınetaqy jınaqtarynyń bir bóligin IPB-nyń senimgerlikpen basqarýyna aýdarý» bólimine kirý kerek.

2021 jylǵy 23 aqpandaǵy jaǵdaı boıynsha ýákiletti operatorlardan («Otbasy banki» TQJB» AQ, «Qazaqstan Halyq Banki» AQ, sondaı-aq, «Bank SentrKredıt» AQ) turǵyn úı jaǵdaılaryn jaqsartý maqsatynda birjolǵy zeınetaqy tólemderin júzege asyrýǵa 163 662 ótinish túsken.

«Jalpy somasy 579 mlrd teńge bolatyn 108 444 ótinish oryndaldy. Salymshylardyń arnaıy shottaryna túsken tólemderdiń ortasha somasy 5,3 mln teńgeden asady» delingen málimdemede.  

 

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar