HHII Qysqy Olımpıadanyń bastalýyna 41 kún qaldy
Aldaǵy jyldyń aqpan aıynda Reseıdiń Qara teńiz jaǵalaýyndaǵy Sochı qalasynda jalaýyn kótergeli turǵan XXII qysqy Olımpıadasynyń qyzyǵy bastalatyn shaq ta kún sanap jaqyndap keledi. Bul jahandyq jarys 2014 jyldyń 7 aqpanynda sóreden shyǵyp, 24 aqpanda márege jetedi. Oıyndarda sporttyń 15 túri boıynsha 98 medaldar jıyntyǵy sarapqa salynady. Sonyń ishinde Qazaqstan atletteri sporttyń 11 túri boıynsha jarysqa jalyn qosady. Biz búginnen bastap gazet betinde osy Oıyndar týraly arnaıy bólim berip turatyn bolamyz.
HHII Qysqy Olımpıadanyń bastalýyna 41 kún qaldy
Aldaǵy jyldyń aqpan aıynda Reseıdiń Qara teńiz jaǵalaýyndaǵy Sochı qalasynda jalaýyn kótergeli turǵan XXII qysqy Olımpıadasynyń qyzyǵy bastalatyn shaq ta kún sanap jaqyndap keledi. Bul jahandyq jarys 2014 jyldyń 7 aqpanynda sóreden shyǵyp, 24 aqpanda márege jetedi. Oıyndarda sporttyń 15 túri boıynsha 98 medaldar jıyntyǵy sarapqa salynady. Sonyń ishinde Qazaqstan atletteri sporttyń 11 túri boıynsha jarysqa jalyn qosady. Biz búginnen bastap gazet betinde osy Oıyndar týraly arnaıy bólim berip turatyn bolamyz.
QAZAQSTAN SPORTTYŃ 6 TÚRINEN MEDALǴA TALASADY
Respýblıka Sport jáne dene-shynyqtyrý agenttiginiń basshysy Tastanbek Esentaev osylaı dep otyr. Ol muny jaqynda Ortalyq kommýnıkasııalar qyzmetinde bergen brıfıngi kezinde aıtty.
Elimizdiń sport salasy tizginin ustap otyrǵan tulǵanyń pikirinshe, sańlaqtarymyz osy joly shynynda da aıdy aspannan bir-aq shyǵaryp, 6 medaldy alyp qalýy ábden yqtımal. Jasyratyny joq, biz buryn mundaı medaldar merekesin kórmek turmaq, osynsha júldeler jaıly armandaýdyń ózin artyq kórýshi edik. Endi qalaı, Qazaqstan táýelsizdikke qol jetkizgeli beri bizdiń bar-joǵy 3 sportymyz ǵana qysqy Olımpııalyq oıyndardyń qurmet tuǵyrynan kóringen eken. Olardyń ózi 3 Olımpıadada ǵana, elimizdiń atyn shyǵarsa, qalǵan 2 Oıyndardan tipti qorjynymyz bos qaıtypty. Jáne medaldar eń kóp bolǵanda, úsheýden aspaǵan. Atap aıtqanda, 1994 jyly Lıllıhammerde ótken dodada 1 altyn, 2 kúmis, barlyǵy 3 medaldy ataqty shańǵyshy Vladımır Smırnov jeńip alsa, kelesi joly, 1998 jyly Naganoda jalaýyn kótergen básekede Vladımır Smırnov pen konkıshi Lıýdmıla Prokasheva bir-bir qola medaldy qanaǵat tutty. Al sodan keıingi Solt-Leık Sıtı (2002) men Torınoda (2006) medaldyń aýylyna jaqyndap baratyn atlet tappaı qaldyq. Bul olqylyqty tek 2010 jyly Vankýverde ótken Oıyndarda bıatlonshy Elena Hrýstaleva 1 kúmis medalimen toltyrǵandaı boldy. Mine, Qazaqstannyń qysqy Olımpııalyq oıyndardaǵy júlde qory osyndaı.
Al Tastanbek Esentaev aldaǵy Oıyndarda bizdiń sportshylarymyz shańǵy, bıatlon, frıstaıl, konkı, mánerlep syrǵanaý jáne snoýbord sekildi sport túrleri boıynsha saıystarda álemniń úzdik juldyzdarymen teń dárejede shaıqasady dep eseptep otyr. «Biz júldeni eń aldymen shańǵyshylar komandasynan kútemiz. Sodan keıin 2013 jyly álem chempıony atanǵan konkıshi Denıs Kýzın men jahandyq jarysta ekinshi bolǵan Denıs Ten osy deńgeıden tabylady degen oıdamyz», – dedi ol.
«Sol sııaqty snoýbord jáne short-trek quramalary aldaryna da nátıjelerin jaqsartý jóninde tapsyrma berildi. Bul sport túrleri boıynsha Olımpııalyq oıyndardyń alǵashqy ondyǵyna kire alatyn jekelegen sportshylar da bar», – dedi budan ári T.Esentaev.
Dál qazirgi tańda qazaqstandyqtar sporttyń 11 túri boıynsha 55 lısenzııa jeńip alyp otyr. Biraq bulardyń birqataryna osy jeńip alǵan lısenzııalaryn Álem kýbogy kezeńderinde taǵy bir márte qorǵaýǵa týra keledi.
Rýslan IGILIK.
ShVEISARIIа PREZIDENTI SOChIGE BARATYNYN RASTADY
Jasyratyny joq, XXII Olımpııalyq oıyndardaǵy básekeniń bási onyń sport alańdary men jarys joldarymen ǵana shektelip qalmaıtyn sııaqty. Jer-jahandy tasqaıaqtaı qaqtyryp otyrýǵa qushtar belgili bir saıası kúshter sol syrtqy sıpatta bolyp jatatyn astarly oıyndardy qazirdiń ózinde bastap ketken sııaqty. Bul búginde álemniń ana jerinen bir, myna jerinen bir ózderiniń Sochı Olımpıadasyna bara almaıtyndaryn súıinshi suraǵandaı etip jarysa habarlap jatqan túrli elderdiń prezıdentteri men premerleriniń málimdemelerinen de baıqalyp jatyr.
Bir qýanyshtysy, osyndaı tymyraıǵan kóńil kúıde tunjyrańqy kórine bastaǵan kóktiń júzin jarq ete qalǵandaı áserge bólep, Oıyndarǵa qalaıda baratyndaryn jarııa etip jatqan jyly júrekti, ımanjúzdi memleket basshylary da kezdese bastady. Solardyń qatarynan kúni keshe Shveısarııanyń prezıdenti Ýelı Maýrer de kórindi. Ol óziniń aldaǵy jylǵy aqpan aıynda Sochıge mindette túrde baratynyn baıandaı otyryp, álemniń estııar jurtyn sportty «saıasatqa aınaldyrmaýǵa» shaqyrdy. Muny ol óz eliniń «ZonntagBlık» gazetine bergen suhbatynda jetkizdi.
«Sonda qalaı, biz endi eshqaıda barmaýymyz kerek pe? – dep oıyn suraý salý arqyly tarqatty Maýrer. – Onda ıslam elderine barmaıyq, sebebi, olarda zańǵa degen kózqaras múldem basqasha, AQSh-qa attap aıaq salmaıyq, óıtkeni, onyń keıbir shtattarynda áli kúnge deıin ólim jazasy qoldanylady». Onyń oıynsha, sport jarystaryna áldeqandaı bir saıası sebeptermen boıkot jarııalaý «naǵyz beısharalyq sheshim bolyp tabylady».
Bir aıtatyny, Shveısarııada prezıdenttik merzim bir jylǵa ǵana sozylady. Sondyqtan bıyl úkimetti basqaryp otyrǵan Ýelı Maýrer kelesi jyly Sochıge qorǵanys, turǵyndardy qorǵaý jáne sport federaldy departamentiniń (mınıstrliginiń) basshysy retinde attanǵaly otyr. Munyń esesine, 2014 jyly konfederasııa prezıdenti bolyp otyratyn Dıde Býrkhalter de Sochıge mindetti túrde baratynyn jarııalap úlgerdi.
Damır QOJAMQUL.
ShAIBALAR DA SYNAQ TAPSYRDY
Reseı Hokkeı federasııasynyń prezıdenti Vladıslav Tretıak pen Sochı-2014 uıymdastyrý komıtetiniń basshysy Dmıtrıı Chernyshenko muz aıdynynda oınalatyn shaıbalardy kópshilik nazaryna usyndy.
Shaıbalardyń tanystyrylymy hokkeıden Reseı – Fınlıandııa quramalary arasynda ótken kezdesýdiń birinshi úzilisi kezinde baspasóz ortalyǵynda ótti.
«Biz shaıbalardy Halyqaralyq hokkeı federasııasynyń barlyq talaptaryna saı daıyndadyq. Eni 2,52 jáne dıametri 7,62 santımetrdi quraǵan shaıbalardyń salmaǵy 170 gramnan aspaıdy», – dedi Dmıtrıı Chernyshenko.
Shaıbalarda Sochı Olımpıadasynyń sımvoly beınelengen. Ol shaıba betiniń 35 paıyzyn jaýyp turady. Bul sýretter hokkeı oıyndary ótkiziletin eki alańǵa arnalyp, eki túrli túske boıalǵan.
«Shaıba – hokkeı oıynyndaǵy eń mańyzdy bólshekterdiń biri. Hokkeı jankúıerleriniń arasynda olardan kolleksııa jınaıtyndar da kóp kezdesedi. Iri jarystardyń kýágeri bolǵan adamnyń sport merekesiniń bir bólshegin ózinde saqtap qalǵysy keletini túsinikti», – dedi V.Tretıak.
Sochı-2014 uıymdastyrý komıtetiniń baspasóz qyzmeti 22 jeltoqsan kúni www.tickets.sochi2014.com saıty nemese uıaly telefonǵa arnalǵan «Sochı-2014» baǵdarlamasy arqyly áıelder hokkeıine úsh ne odan kóp bılet satyp alǵan alǵashqy 500 adamǵa Olımpıada shaıbasy syıǵa tartylatynyn málimdedi.
Aıdar О́RISBAEV,
«Egemen Qazaqstan».
ELIMIZDIŃ 40 JÝRNALISI
Qysqy oıyndardan habar taratady
Kelesi jyly Sochıde ótkiziletin XXII qysqy Olımpııalyq oıyndarǵa álemniń 83 elinen 13 myńnan astam tilshi baratyny málim boldy. Al bizdiń elimizden qatysatyn 40 jýrnalıst dúbirli dodanyń qaq ortasynan óz oqyrmandaryna aqparat taratady.
Osydan birshama kún buryn Prezıdent janyndaǵy Ortalyq kommýnıkasııalar qyzmetinde ótkizilgen brıfıngte Sport jáne deneshynyqtyrý isteri agenttiginiń tóraǵasy Tastanbek Esentaev Sochı Olımpıadasy uıymdastyrý komıteti buqaralyq aqparat quraldary ókilderi úshin jarys ótetin alańnan 15 medıa ortalyq ashqanyn aıtqan bolatyn. Qajetti tehnıkalyq jabdyqtarmen qamtamasyz etilgen bul jerde 250-den astam jýrnalıst jumys jasaı alady eken. Sonymen birge, telearna qyzmetkerlerine arnalǵan 40 shaqty arnaıy bólme bar.
Oıyndarǵa qatysatyn bizdiń ulttyq quramany daıyndaý úshin shetelden 17 maman shaqyrylypty. Olar sporttyń 8 túri boıynsha (shańǵy tebý, bıatlon, mánerlep syrǵanaý, konkı , short-trek , frıstaıl jáne t.b) jattyǵý ótkizedi. Al ázirge lısenzııa alǵandar tizimine Shyǵys Qazaqstan, Aqmola, Pavlodar, Batys Qazaqstan, Aqtóbe jáne Qaraǵandy oblystary men Almaty qalasynyń sportshylary engizilgen. О́kinishke qaraı, taý shańǵysy sporty men tramplınnen sekirýden, shańǵy sporty, shana sportynan kenjelep qalǵan ekenbiz. Degenmen, osy sport túrlerine lısenzııa alýdyń úmiti áli joǵala qoıǵan joq.
Oqyrmandarǵa Halyqaralyq Olımpıada komıtetine 2022 jyly Almatyda XXIV qysqy Olımpııalyq oıyndar ótkizý týraly ótinim tapsyrylǵanyn da aıtqymyz keledi. Bul istiń salmaǵy basym. Sondyqtan jaýapty tulǵalar qazirden bastap daıyndyq jumystaryn bastap ketti.
Ámirhan ALMAǴANBETOV,
«Egemen Qazaqstan».
