Týrızm • 24 Aqpan, 2021

Ulttyq týrıstik ónimdi ázirleý jóninde Jol kartasyna qol qoıyldy

21 ret kórsetildi

Búgin Mádenıet jáne sport mınıstrligi, «Atameken» UKP men «Kazakh Tourism» UK» AQ birlesip, 2021 jylǵa arnalǵan ulttyq týrıstik ónimdi ázirleý jónindegi úshjaqty Jol kartasyna qol qoıdy.

Bul Jol kartasy ulttyq týrıstik ónimdi ázirleý, jekelegen týrızm túrlerin (balalar-jasóspirimder týrızmi, medısına jáne saýyqtyrý týrızmi) jáne qolónerdi damytý, eldiń týrıstik áleýetin arttyrý boıynsha eleýli is-sharalardy qamtıdy.

Jol kartasy sheńberinde qarastyrylǵan is-sharalardy júzege asyrý elimizdegi týrıstik ónimniń ázirlenýiniń mehanızmderin jan-jaqty taldaý jáne ózektendirýge, qolóner sheberleriniń jumysyn retke keltirý jáne túıtkildi máselelerdi sheshýge, týrızm túrlerin damytýdyń tujyrymdamalyq sheshimderin anyqtaýǵa múmkindik beredi.

Jıynda Mádenıet jáne sport vıse-mınıstri Ǵabıdolla Ábdirahymov bul Jol karta týrızm salasyn jandandyrýǵa sepin beretinin, ınfraqurylym máselesin jáne ózge de máselelerdi sheshýge jol ashatynyna senim bildirdi.

«Jol kartasy salanyń damý mehanızmin daıyndaýǵa zor múmkindik beredi. Mysaly, ótken jyly dál osyndaı Jol kartasy tıimdiligin kórsetip, naryqta qoldaý tapty. Osy arqyly biz týrızm salasynyń deńgeıin pandemııaǵa bastalǵanǵa deıingi kezeńge jetkizip, damytýǵa jaǵdaı jasaǵymyz keledi»,-dedi Ǵabıdolla Ábdirahymov.

Aıta keteıik, osyǵan uqsas Jol kartasy 2020 jyly «Atameken» UKP men «Kazakh Tourism» UK» AQ arasynda jasalǵan bolatyn. Jol kartasy ulttyq týrıstik ónimdi qalyptastyrýǵa baǵyttaldy. Jol kartasy sheńberinde sanatorııa, kýrort nysandaryn túgendeý boıynsha aýqymdy jumys, qolóner jáne agrotýrızm boıynsha keshendi ekspedısııa júrgizilip, oqýshylar úshin bilim berý ekskýrsııalaryn uıymdastyrý boıynsha «Jandy sabaqtar» qanatqaqty joba iske asyryldy. Sonymen qatar tanymal týr baǵyttar boıynsha qajet ınfraqurylym aıqyndaldy. Osy oraıda ulttyq týrıstik ónimdi qalyptastyrý úshin birigip jumys isteý jónindegi bastama naryqta oń baǵasyn alǵanyn atap ótken jón.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar